E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ndëshkime për ndërtimet e paligjshme/ Rama me “dorë të hekurt”: Do shembet gjithë godina

9 Nëntor 2021, 11:11, Politikë CNA

Kryeministri Edi Rama ka paralajmëruar zero tolerancë ndaj ndërtimeve pa leje.

Gjatë fjalës së tij në konferencën për prezantimin e Buxhetit 2022 për Ministrinë e Brendshme, Rama tha se çdo ndërtim që ka parregullsi është ndërtim i paligjshëm dhe do të shembet.

?Cdo ndërtim që ka shkelje është i paligjshëm. Nuk ka dy kate me leje, katër pa leje. Jo e gjithë godina është e paligjshme dhe për këtë subjekti merret e çohet para drejtësisë, ndërkohë që e gjithë godina prishet, kështu e ka ligji.

Është e papranueshme që ju, Policia e Shtetit në raste kur ka shkelje të rregullave të qarkullimit para syve tuaja lejoni që të krijohen pika të rrezikshme që hedhin zhavorr dhe krijohen këto ndërtime pa leje dhe ju nuk e shihni. Çfarë bën policia e qarkullimit rrugor? Me çfarë merret? Nëse rrugën për të cilën janë përgjegjës ja cënojnë?

Është koha për t?i dhënë fund kësaj. Edhe në rastet kur ka kamionë të ngarkuar me dru, ndërkohë që Shqipëria është në moratorium. Policia duhet ta ndjekë çdo ditë planin për mjedisin dhe territorin.?-tha Rama.

Më tej, ai tha se ?Po kaloj në një tjetër investim. Dronet inteligjentë, të cilët do të jenë në dipozicion të Policisë së Shtetit që të organizojë identifikimin e personave që kryejnë vepra penale por edhe për shpëtimin e personave në raste kur janë të bllokuar për shembull në dëborë. Edhe në këtë rast do të identifikohen.”

Po ashtu Rama u ndal edhe tek ndotja e mjedisit, ndërsa sërish ka shigjetuar kryebashkiakun e Vlorës, Dritan Leli.

?Vendgrumbullimet e plehrave janë krime mjedisore.

Polici është përgjegjës që të identifikojë këto skena krimi por dhe protagonistët e këtyre krimeve.

Pastaj Inspektoriati i Mjedisit thirret për të vepruar më tutje.

Është e patolerueshme që në Pyllin e Sodës hidhen 3 mijë metra katëror zhavorr për të cilin duhen kamionë e kamionë të tërë?-tha ndër të tjera Rama./CNA.al