web counter
LEXO PA REKLAMA!

SHKARKO APP

App Store
Google Play

E fundit!

x

Rihapja e “Gërdecit”/ Robert Papa: Drejtësia kalon në tre faza, edhe në Shqipëri do dënohen ministra

5 Nëntor 2021, 15:15, Politikë CNA

Gazetari Robert Papa ka komentuar rihapjen e hetimeve për Fatmir Mediun sa i takon ccështjes së Gërdecit dhe lëvizjeve të ish kryeministrit Sali Berisha.

Në një intervistë për MCN, Papa ka deklaruar se SHBA ka marrë përsipër reformën në drejtësi, ndërsa shprehet optimist se edhe në Shqipëri mund të hetohen ministra dhe ish ministra.

?Tani që diplomacia amerikane ka marrë përsipër reformën në drejtësi dihet. Por nqs reforma fillon të vendosë para të akuzuarve zyrtarë të lartë do ishte një lajm i mirë. Natyrisht që drejtësia kalon në tre faza dhe gjithkush ka mundësinë të mbrohet dhe nuk ka ndonjë gjë që edhe në Shqipëri të dënohen ministra dhe ish-ministra. Më mirë një drejtësi pak më e mirë se ajo e keqja, por Berisha ka të drejtë se kur shikon emrat e atyre që kanë kryer veting të lë një shije të keqe?, tha Papa.

Më tej gazetari u shpreh se pas shumë vitesh Berisha kishte rënë në hije, ndërsa sulmet e bëra nga DASH sollën një reagim të madh tek ai, duke e cilësuar edhe si lojtar të fortë. Sipas Papës, Foltoret tregojnë mbështetjen e madhe që Berisha ka tek qytetarët, ndërsa evidentoi edhe faktin e distancimit të ambasadores Yuri Kim.

?Natyrisht që Berisha ishte tërhequr në hije dhe ishte i qetë, sulmet e bëra nga departamenti i shtetit e rigjallëruan dhe tregoi edhe njëherë se është faktor. Luan fort me ato që i quan foltore dhe po të vësh re se është ngritur si nga forca dhe lokuenca dhe Yuri Kim është tërhequr disi. Nuk ka shanc që një grupim me 60 mije e ca vota të marrë termin antiamerikane. Berisha them se është në momentin e duhur mund ta çlirojë PD dhe tregon se politika nuk ka moshë dhe qëndrestarët demokrat e duan Berishën?, tha Papa./CNA.al





Lajmet e fundit nga