LEXO PA REKLAMA!

SHKARKO APP

Shkak bëhen financat, piloti shqiptar nuk do të garojë në Formula 2

3 Nëntor 2021, 18:21, Sport CNA

Lirim Zendeli ishte piloti i vetëm shqiptar që garonte në Formula 2, por ditën e sotme ka njoftuar tërheqjen.

Nëpërmjet një postimi në profilin e tij, Zendeli njofton se për shkak të probleme financiare, ku ka ndikuar pandemia, ka vendosur të tërhiqet nga Formula 2.

Kur të gjithë shqiptarët dhe jo vetëm, prisnin që shqiptari të arrinte të futej në Formula 1, ai ka njoftuar tërheqjen, duke thënë se nuk kishte mundësi financiare të vazhdonte më tej.

?Përshëndetje ndjekës, fansa, miq! Fatkeqësisht kam një lajm të trishtuar. Po e lë herët. Nuk do të mund të vazhdoj më në F2 për arsye financiare. Pandemia ka reduktuar edhe më tej buxhetin tim tashmë shumë të ngushtë.

Të kuptosh që duhet të tërhiqem për një moment është shumë e vështirë, por do të përpiqem të gjej një mundësi për t’u kthyer në rrugën e duhur sa më shpejt të jetë e mundur?, shkruan Zendeli.

Lajmet e fundit nga