Zgjatja e afateve të Vettingut/ Nis mbledhja e Këshillit të Legjislacionit

1 Nëntor 2021, 13:23, Politikë CNA

Zgjatja e afateve të Vettingut/ Nis mbledhja e Këshillit të

Ka nisur në Kuvend mbledhja e Këshillit të Legjislacionit për ndryshimet në Kushtetutë.

Mbledhja ka nisur me marrjen në shqyrtim të kërkesës së Partisë Socialiste për zgjatjen e mandateve të organeve të Vettingut.

Në fillim të mbledhjes, kreu i Grupit Parlamentar të PD-së, Alfred Rushaj ka kërkuar shtyrjen e saj dhe marrjen në shqyrtim edhe të kërkesave të demokratëve për ndryshime në Kushtetutë më datë 3 nëntor.

Por, kërkesa e Rushajt, u kundërshtua nga deputetja socialiste, Klotilda Bushka.

Deputetja e PS, ka nënvizuar se mazhoranca propozon që nismat të propozohen veç e veç dhe jo të gjitha së bashku pasi zgjatja e afateve të Vettingut nuk pret pasi KPK ka mandat deri në qershorin e ardhshëm.

“Nisma përfshin një grup të caktuar interesi, ku do të kërkohet dhënia e mendimit të tyre. Kjo nismë do të përcaktojë vlerësimin e domosdoshme të shtyrjes së afateve të institucioneve të vettingut. Nisma e PD në fakt ka të ëbëjë me shumë çështje brenda saj që do të kërkojnë më shumë kohë. Vetëm para disa ditësh në lidhje me reformën zgjedhore, kolegët e PD kanë paraqitur një kërkesë për ngritjen enjë komisioni të posaçëm për Reformën Zgjedhore. Kërkohet kohë dhe konsultim më i gjatë. Ne propozuam që nismat të shqyrtohen veç e veç dhe jo sëbashku.“-tha Bushka.

Ndërsa deputeti i PD, Gazment Bardhi tha se ?Veprimtaria e komisioneve nuk është çështje opinioni. Kjo mbledhje e përbashkët bazohet në punimet e kuvendit. Një çështje nuk caktohet nëse nuk përfshihet në kalendarin e punimeve. Konferenca ka vendosur që të bashkojë këto iniciativa. Që do të thotë se kryetarja e Kuvendit në momentin që nxjerr urdhrin, do të duhet të ndjekë atë që ka miratuar Konferenca e Kryetarëve. Bëhet fjalë për ndryshime kushtetuese. Kjo është iniciativë që kërkon vota të përbashkëta, e më shumë se një grupi parlamentar dhe do të duhet të ndërtohet një proces i përbashkët. Një ndryshim ligjor, kushtetues, mund të prekë më shumë se një çështje, gjyqësorin, parlamentin. S?do ndërhyjmë 7 herë në kushtetutë, por vetëm një herë. Ndaj kërkojmë shtyrjen e kësaj mbledhje siç propozoi kryetari i grupit. Mos na detyroni ne që të shkelim rregulloren e Kuvendit, që ka caktuar të dyja çështjet që t?i diskutojmë bashkë.?.

Pas deklaratës së Bardhit ka reaguar kryeparlamentarja Lindita Nikolla, e cila tha se ?Sot jemi mbledhur në respekt të rregullores. Do të ndiqet në respekt të rregullores, procedura dhe për iniciativën tjetër. Mendoj që të hedhim në votë propozimin për të vijuar rendin e ditës.?/CNA.al