LEXO PA REKLAMA!

SHKARKO APP

Me dy vende dhe një bateri të avancuar/ Zbulohet makina e parë elektrike për gara Formula

31 Tetor 2021, 20:53, Tech CNA
Me dy vende dhe një bateri të avancuar/ Zbulohet makina e parë

Makina e parë elektrike në botë e garave Formula me dy vende, e cila mund të shkojë nga 0-60 mph në vetëm 3,2 sekonda, do të zbulohet në konferencën COP26 për ndryshimet klimatike.

E krijuar nga “Envision Virgin Racing” së bashku me firmën e teknologjive të qëndrueshme Johnson Matthey, prototipi ka një shpejtësi maksimale prej 149 miljesh në orë.

Automjeti i prodhuar në Britani është i pari që ka bateri litium-jon me madhësi të plotë duke përdorur teknologjinë e avancuar të materialit katodë të pasur me nikel ‘eLNO’ të Johnson Matthey.

Këto materiale, tha ekipi, kanë 20 për qind densitet më të madh energjie sesa alternativat aktuale dhe ofrojnë një diapazontë zgjeruar drejtimi dhe jetëgjatësi të baterisë.

Bateritë pritet të hyjnë në prodhim të gjerë deri në vitin 2024 dhe do të jenë të përshtatshme për përdorim në makina të mëdha dhe SUV.

Dizajnerët thanë se shpresojnë se prototipi i makinës së garave do të ndihmojë në përshpejtimin e tranzicionit drejt një të ardhmeje “neto zero” dhe përdorimin më të gjerë publik të automjeteve elektrike./ CNA.al

Lajmet e fundit nga