LEXO PA REKLAMA!

SHKARKO APP

Propozimet e PD/ Spaho: Strategji e Bashës, do të tërheqë vëmendjen nga Foltorja

27 Tetor 2021, 19:00, Politikë CNA
Propozimet e PD/ Spaho: Strategji e Bashës, do të tërheqë

Deputeti i Partisë Demokratike Edmond Spaho ka akuzuar Lulzim Bashën se është përgjegjës për humbjen e katër palë zgjedhjeve dhe situarën në të cilën ndodhet PD.

Në një intervistë në Syri Tv me Juli Krisafin, Spaho deklaroi se Foltorja është e vetmja shpresë për rikthimin e vlerave të PD, ndërsa shtoi se propozimet e Bashës janë një strategji e tij për të tërhequr vëmendjen nga nisma e Berishës.

?Me Bashën kemi humbur 4 zgjedhje rresht. Te Foltorja shohim një njeri që ka qenë fitues, që di të drejtojë, e ka treguar këtë gjë. Demokratët kanë besim tek Sali Berisha. Propozimet e Bashës janë vetëm që të tërheqin vëmendjen nga Foltorja. Vettingu në politikë nuk është diçka e re, më 2018 është paraqitur, nuk kemi frikë, të na vetojë kush të dojë. Vettingun politik, sidomos nga SPAK, e ka hedhur poshtë Venecia.

Ka dallim mes prokurorëve dhe gjyqtarëve, këta të fundit emërohen, kurse politikanët votohen. Politikanët nuk emërohen, por zgjidhen dhe votuesi i voton, nuk janë për të gjithë jetën, por për një mandat 4-vjeçar. Çfarë SPAK-u, kur Basha ka thënë vetë se kam besim zero tek SPAK-u. SPAK nuk po heton lidhjet e politikës me krimin?, u shpreh Spaho./CNA.al

Lajmet e fundit nga