LEXO PA REKLAMA!

SHKARKO APP

Nishani: Penalizimi politik i Bashës, çlirimi i PD

17 Shtator 2021, 17:47, Politikë CNA
Nishani: Penalizimi politik i Bashës, çlirimi i PD

Ish-presidenti i Republikës Bujar Nishani, ka folur rreth zhvillimeve të Partisë Demokratike, ku ka deklaruar se kryetari i saj, Lulzim Basha, është ai që e ka shkatërruar dhe se penalizimi politik i tij është çlirim për PD-në.

Nishani ka thënë për Syri Tv, se nën lidershipin e Bashës, opozita nuk mund të fitojë dot zgjedhjet.

Më tej Nishani ka nënvizuar se PD-ja, për shkak të vendimeve që ka marrë Basha, ka dalë më e dobët se ç?ishte dy vjet më parë.

“Basha ka shkatërruar PD-në. PD duhet që të ringrihet. PD nuk mund të fitojë zgjedhjet me lidershipin e Bashës. Zoti Basha e ka konsumuar kohën e tij. Me lidershipin e Bashës, PD nuk mund të jetë forcë fituese. Basha është pengesa kryesore për nisjen e procesit të transformimit të Partisë Demokratike. Tezat që lundrojnë në PD janë teza të errësirës. PD, për shkak të vendimeve që ka marrë Basha, ka dalë më e dobët se ç?ishte dy vjet më parë.

Fakti se PD është më e dobët pas 25 prillit, tregon shumë për lidershipin e Lulzim Bashës. Partia Demokratike sot është partia që ka mbi 680 mijë qytetarë me vete dhe lidershipi i saj mund të ndryshojë e nuk ka asgjë këtu. PD është ngriur mbi parime të të drejtave të njeriut dhe nëse këto vlera cënohen, atëherë duhet ndryshim. Penalizimi politik i Bashës është çlirim për PD-në?, deklaroi Nishani”, thotë ai./ CNA.al

Lajmet e fundit nga