web counter
LEXO PA REKLAMA!

SHKARKO APP

App Store
Google Play

E fundit!

x

Tallja me deputetin/ Pse zgërdhihet Lulzim Basha me lushnjarët?

17 Shtator 2021, 14:51, Politikë CNA

Kreu i PD, Lulzim Basha i ka tejkaluar kufijtë e qesharakes. Ai tallet dhe qesh edhe me ata që ka futur vetë në lista dhe i ka sot në Kuvend.

Njëri prej tyre është edhe deputeti që përfaqëson Lushnjen, Saimir Korreshi.

Gjatë fjalimit të tij në Kuvend Korreshi ka sjellë disa nga problematikat me të cilat përballen qytetarët, të cilat kanë bërë që deputetët të shkrihen së qeshuri në Kuvend.

Në këtë gallatë, është përfshirë edhe kreu i PD-së Lulzim Basha, i cili iu është bashkuar socialsitëve, duke qeshur, me deklaratat me deklaratat e deputetit Korreshi.

?Shkoni te spitali i Lushnjes, ke frikë të mjekohesh të del miu nga këmbët dhe mos dish nga të vesh. Në çfarë botë jetoni ju? A e dini sa ka paguar një njeri për të kuruar, për të ndjekur me infermier në shtëpi. të gjithë kanë ndjekur regjimin shtëpiak se e u përhap po shkove në Tiranë, kthehesh me arkivol .

Ja kjo ka ndodhur. Se nuk të vjen infermieri në shpi pa 50 mijë lekë dita dhe kostoja për një të sëmurë ka qenë 3 milion lekë. Ju thoni do bëjmë shkolla të reja, por nuk kemi nxënës, por fëmijët kanë ikur.Kjo është situata e sotme.

Ju notoni nëpër ëndrra. Se këtu po bëhet nami, ne jemi eksportuesit e parë në botë? Çfarë eksportuesish jemi ne. Po të shikoni dhe po të prekni se çfarë ndodh konkretisht more zotërinj atëherë ju keni ndenjur gjithë jetën në Tiranë dhe nuk e keni idenë çfarë bëhet në bazë. Thoni kemi bërë peshkim dhe do jetë tarifa zero, nafta pa akcizë. Por keni shembullin e Karavastasë.

Shikoni se sesa paguhej para tetë vitesh në tatime fitimi që jepte kjo kënetë. Kurse sot del me humbje. Tani ka dy gjëra o ju rruani lekët, ose peshku ka frikë nga ju dhe ia ka fut vrapit . Ju thoni policia, me kë polici do ndiqni krimin ju? Me atë policin që mori lekët dhe iku me vrap dhe s?kishte guxim të dilte para kamerave. Me këta policë që akoma nuk kanë paguar lekët e mishit nëpër dyqane? Me këta policë do e ndiqni krimin ju? Po si ka mundësi ka ngjarje tronditëse në Lushnje, vriten e plagosen, pesë persona, të gjithë ikën në drejtim të paditur, përfshirë edhe policinë. Çfarë bëhet kështu?? ka thënë Korreshi në Kuvend.

Nëse e lexoni deklaratën e tij, në fakt zotëria nuk ka bërë asgjë. Ka përdorur disa figura, për të treguar si ndodhet situata në Lushnje.

Ka thënë që ka minj nëpër spitale dhe policë që pasi marrin lekët ikin me vrap. Ka thënë që njerëzit nuk kanë para për të blerë një kilogramë mish, duke qartësuar të gjitha problemet me të cilat qytetarët përballen çdo ditë.

Që të tallet mazhoranca me të, apo Gjiknuri ka kuptim, po pse qesh Lulzim Basha dhe zgërdhihet në parlament?

Pse shkojnë atje për tu tallur me lushnjarët, me hallet e tyre, për tu tallur me deputetët që i zgjedhin vetë?

Kjo është një sjellje banale dhe fyese për çdo qytetar të Lushnjes./ CNA.al

 

Video-Basha bashkohet me socialistët/ Qesh e tallet me deputetin e tij





Lajmet e fundit nga