E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Petrit Vasili ankohet te Meta: Nuk më përgjigjen ish-deputetët!

27 Korrik 2021, 15:41, Satire CNA

Një hall shumë i madh e ka zënë Peço zinë, kokëtorrollakun e LSI-së, Petrit Vasilin me 362 votat e tij.

Nuk e dëgjon dhe nuk i përgjigjet asnjë prej ish-deputetëve, të cilëve ky karagjoz i politikës ju kërkon të bëhen si ai, të zenë e të shkruajnë nga 4-5 statuse në ditë kundër reformës në drejtësi, kundër qendrimit amerikan dhe të BE-së për reformën ose të shajnë kryeministrin e ta quajnë shkollëpak siç e quan Peço Vasili etj.

Dhe për të zgjidhur këtë hall të madh që e ka zënë, Petrit Vasili bëri të vetme gjë që di të bëjë, mori vrapin me këmbën e tijë çalë-çalë a thua se po kercen napolonin dhe e mbajti frymë drejt e tek Presidenti Meta!

-Nuk më dëgjojnë më, nuk më bindet asnjë! I marr të gjithë në telefon, ju shkruaj edhe mesazhe, po vetëm Endriti më përgjigjet, të tjerët asnjë! Nuk reagojnë, nuk shkruajnë, nuk na duan e nuk na binden më!

Ja, kështu i tha e nxinte i tëri deri në vërë më shumë nga sa nxin zakonisht.

-Si ka mundësi?, pyeti rëndë Meta.

-Ja pra që nuk më dëgjojnë! Dhe e dinë shumë mirë që porositë e mia janë të tuat në fakt, por ata prapë nuk më përgjigjen, vazhdoi Petriti gjithë nerv dhe helm bashkë.

-Ju kam thënë reagoni, ju kam thënë shkruani, ju kam thënë të shajnë e të shqyejnë po nuk duan, nuk më përgjigjen më. Shkurt nuk na duan më!

Meta pasi e pa Vasil zinë mirë e mirë në bebe të syrit, zgurdulloi të vetët deri në maksimum dhe ndërsa mbushi ballim me rrudha, ju kthye vëngër vasalit të tij të bindur:

Po ty për çfarë të kam unë që të vish e të më ankohesh? Ik e merru me ta se do t?ua tregoj unë qefin pastaj! Dhe menjeherë mori në telefon Endritin dhe ju hakërrye si ta kishte aty përpara syve:

-Pse nuk i përgjigjeni Petrit Vasilit, pse nuk i zbatoni urdhërat e tij që të reagoni të gjithë në bllok, pse unë do të reagoj për ju?

Nuk dihet se ç?përgjigje i ka dhënë Endriti nga ana tjetër e telefonit, por mund te merret me mend gjithësesi.

Por pavarësisht të gjithave, Petritit që në LSI të gjithë e thërrasin me mbiemrin Vasali doli nga zyra e shefit duke buzëqeshur me atë buzëqeshjen buzëmpirë që ngjan më shumë me të zgerdhirën e tij tipike prej njeriu të bindur?

Sepse ia hodhi helmin shefit e tani ndjehet më i qetë./CNA.al