LEXO PA REKLAMA!

SHKARKO APP

Berti Qerosi takon Babalen

29 Mars 2021, 12:45, Satire Politike CNA
Berti Qerosi takon Babalen

Lideri i fushatës së LSI në qarkun e Korçës, Berti Qerosi pas takimeve të fundit elektorale të Babales së Lulzim Bashës, në disa nga zonat e qytetit të Korçë i ka kërkuar zyrtarisht në emër të partisë së tij, një takim.

Një takim ku Qerosi për shqetësimet që ka ndjerë ditët e fundit ka kërkuar që të diskutohet thellësisht me dorë në zemër dhe palët që kanë firmosur koalicionin për qeverisjen e nesërme duhet ta ndajnë sot shapin nga sheqeri. Pas pritjeve të gjata të Berti Qeroti, Babalja u shfaq në lokalin e tij. Pasi u përqafuan, u puthën, ata filluan të diskutonin rreth situatës elektorale.

Bertri Qerosi u shfaq i shqetësuar, pse në zonat ku shkonte Babalja nuk lejohej kandidati fitues i LSI në Korçë, Endrit Braimllari, lideri i të rinjve në qarkun e Korçës, nipi, shpirti dhe zemra e Qerosit. Babalja është justifikuar menjëherë duke theksuar se lideri i të rinjve në Korçë është ai dhe nën modelin e tij dhe mesazheve që ai përcejll, të cilat fillojnë që me G.D në parlament dhe përfundojnë tek falsifikimet me Babalen, nuk mund ta ndryshojnë liderin e Korçës. Ai është Ervini, nuk mund të jetë Endriti.

Berti Qerosi i shqetësuar nga këto qendrime të Babales, ka theksuar se në rast se nuk do të ketë nga Republika e Re e PD në Korçë, ai do të reagojë ashpër dhe do t?i tregojë një mesazh qendrës ku do i kërkojë Kryemadhit që të diskutojë fort me Lulzim Bashën, në lidhje me qendrimin e ashpër dhe konfliktet që po nxit Republika e Re, ndaj LSI në Korçë.

Qerosi mësohet të ketë thënë se Endrit Braimllari nuk është Andrea Mano, që Babalja bashkë me kërmillin mund ta marrin me shkelma e ta largojnë nga fushata. Por, Endrit Braimllari është një lider i vërtetë që do fitojë votat sepse ka Qerosin drejtor fushate.

Ndërsa asnjë kandidat tjetër dhe parti tjetër nuk ka një qeros në krye të fushatës, prandaj këtu gjërat fillojnë dhe analizohen ndryshe. Mësohet se Babalja është larguar me kokën lart pa i hapur rrugën Qerosit duke theksuar se do tja thyejë turinjtë Braimllarit të Berti Qerosit dhe nuk do të ketë asnjë tolerancë për LSI nga demokratët e Republikës së Re në Korçë.

Tashmë pritet që Qerosi të vazhdojë dhe thellojë misionin e tij duke iu drejtuar për zgjidhjen e kësaj situate kritike, Monës dhe vetë Lulzim Bashës.

Lajmet e fundit nga