LEXO PA REKLAMA!

SHKARKO APP

Qerosi shtron drekën me Spahon/ Fjalimi i tij epik

24 Janar 2021, 11:52, Satire Politike CNA
Qerosi shtron drekën me Spahon/ Fjalimi i tij epik

Ka ndodhur ashtu siç pritej! Lideri elektoral i opozitës pas marrëveshjes Mona-Basha ka filluar fushatën. Një fushatë e ethshme në Korçë e drejtuar nga Berti Qerosi, një personalitet i shquar politik, një intelektual i rangut europian.

Njeriu që me hapat dhe mençurinë e tij do ta çojë Korçën përtej Europës. Pasi ka mësuar se Edmond Spaho do të jetë kreu i listës së opozitës në Korçë, Berti Qerosi ka nxituar të shtrojë drekë duke pasur një dilemë për profesorin që në PD e quajnë Kërmilli.

Ai në këtë drekë ka mbajtur edhe fjalën e rastit: ?Unë jam shumë i nderuar sot të kem në krahun tim të madhin, profesor Edmond Spaho, i cili megjithëse nuk ka dhënë asnjë ditë mësim, nuk ka qenë asnjë ditë pedagog, nuk ka bërë asnjë studim apo botim shkencor është profesor mbi profesorat.

Sepse kështu i thotë qoftëlargu Edi Ramë, kështu i thotë edhe Luzlim Basha. Tani profesor e quan edhe Mona dhe ne llafin e Monës nuk e bëjmë dysh. 

Më tej mund të them se profesor Spaho me paketën e tij, duke sjellë edhe një kandidat me dy emra si Aldoja dhe tigrin Salianji në Korçë, bukuroshin e GD-së fitorja jonë do të jetë edhe më e madhe. Ftoj Endritin, kushëririn tim të dashur që të vërë të gjitha energjitë, kapacitetet e tij intelektuale, t?i bashkojë me mua, me Mondin, me Aldon dhe me Salianj tigrin për të ecur përpara drejt fitoreve të reja. Ne në 25 prill do të shembim diktaturën e korrupsionit dhe do të sjellim ndershmërinë e Monës sonë të ndritshme. Ju bëj me dije se shumë shpejt, në lokalin tonë do të vijë edhe lideri historik, presidenti, i ndershmi Ilir bakëri, më falni Ilir floriri i cili nga ana e tij do të na ftojë të këndojmë edhe këngën popullore ?Obobo çna gjeti??.

Këto janë fjalët që ka thënë Beri Qerosi në takimin e mbajtur për prezantimin e kandidatëve që ai do të ketë në shërbim gjatë kësaj fushate elektorale.

Berti Qerosi tashmë ndihet më i kompletuar, ai do të ketë një skuadër ku të gjithë do të luajnë në sulm dhe do të fitojnë falë zgjuarsisë politike, veprimeve taktike që Berti si trajner dhe lider i padiskutueshëm do t?i sjellin Korçës. Qytetarët korçarë mezi presin që të njihen me programin, të cilin Beri Qerosi po e punon ditë e natë, duke hedhur në letër idetë e tij vizionare për zhvillimin e rajonit të Korçës./CNA.al

Lajmet e fundit nga