LEXO PA REKLAMA!

SHKARKO APP

App Store
Google Play

Berti Qerosi uron LSI dhe Papin e pularisë për 1 prillin

1 Prill 2021, 09:55, Satire Politike CNA
Berti Qerosi uron LSI dhe Papin e pularisë për 1 prillin

Berti Qerosi është kthyer me një urim në festën simbol të LSI.

Në fakt ajo është ditë gënjeshtrash, por Berti e trajton edhe si ditën e hajdutëve. Duke qenë lideri shpirtëror dhe kryesues i fushatës të LSI në Korçë, Berti Qerosi ka zgjedhur të bëjë një surprizë.
Ai ka marrë në telefon Papin e pularisë, një personazh të rëndësishëm politik të Republikës së Re të Lulzim Bashës.

Papi që dikur e filloi politikën duke vjedhur pula dhe tashmë ishte një pulashitës i rëndësishëm për opozitën, mirëpriti urimin e Berti Qerosit.

Ky i fundit i shkruante ?i dashur Papi, ti dikur ke qenë hajdut pulash, tani ke qenë shitës pulash. Shiko sa shumë të rriti aleanca me LSI. Unë vetë nuk kam vjedhur pula, as nuk i kam shitur ato, por i kam ngrënë megjithëse jo si ballistët, por si komunistët. Prandaj edhe ndodhem te LSI e cila është aleate me Partine Demokratike për të fituar zgjedhjet. Ne të dy si simbole të fushatës, pra ti Papi i pularisë dhe unë Berti Qerosi, jemi ata që do të sjellim ndryshimin për Korçën. Me pula, pa pula ne do të fitojmë, ata le të thonë çfarë të duan. Ti je simboli ynë Papi?.

Nga ana tjetër Berti Qerosi theksoi e aleanca e tij me Papin e pularisë do të sillte më shumë vota edhe me kontributin që do të jepte Mateo, një nga të rinjtë e apasionuar pas politikës që së fundmi ka filluar edhe ai të hajë pula me Papin apo me Bertin.

Nuk ka rëndësi çafrë aksioni bëjnë, vjedhin, shesin apo hanë, rëndësi ka që të fitojnë fitoren e tyre e cila fillon pikërisht në 1 Prill./CNA.al

Lajmet e fundit nga