LEXO PA REKLAMA!

SHKARKO APP

Lojërat Olimpike në Tokio/ Rama takon ekipin pjesëmarrës: Program për sportin në mandatin e 3

14 Korrik 2021, 19:58, Aktualitet CNA
Lojërat Olimpike në Tokio/ Rama takon ekipin pjesëmarrës:

Kryeministri Edi Rama, ka marrë pjesë në ceremoninë para nisjes së misionit sportiv të Shqipërisë në Lojërat Olimpike që do të mbahet në Tokio.

Kreu i qeverisë zgjodhi që flamurin t?ia dorëzonte dy sportistëve të njohur të përfaqësueses shqiptare, atletes Luiza Gega si dhe peshëngritësit Briken Çalja.

Gjatë fjalës së tij para të pranishmëve, Rama deklaroi se fokus në mandatin e tretë të kësaj qeverisje është një program specifik për sportin dhe krijimi i lëvizjes olimpike.

“Është viti i Olimpiadës dhe patjetër është një emocion i veçantë për pjesëmarrësit. Siç e ka thënë dhe krijuesi i Lojërave Olimpike, më e rëndësishmja është të marrësh pjesë. Më vjen mirë që në këtë vigjilje jo të lehtë të Olimpiadës së Tokios, për shkak të situatës së jashtëzakonshme të krijuar si pasojë e pandemisë, është bërë një përgatitje ndjeshëm më e mirë se sa çdo herë tjetër.

Kjo i dedikohet kryetarit të Komitetit Olipmik, i cili e jeton sportin me një pasion dhe ambicie që e ka karakterizuar në moshë të re, ku ishte kampion kombëtar për vite të tëra. Më vjen mirë që kemi pasur mundësinë të jemi pranë Komitetet Olimpik dhe pranë këtyre sportistëve me aq sa kemi mundur dhe falë përfshirjes së drejtpërdrejtë të Bashkisë së Tiranës, është bërë e mundur një trajtim dinjitoz i të gjithë anëtarëve të këtij misioni. Edhe pse nuk diskutohet se e mira s?ka fund. Kemi plotë gjëra për të përmirësuar. Dua të them se e kam pritur me shumë kënaqësi lajmin e zgjedhjes së Fidelit si kryetar i Komitetit Olimpik, pasi nuk kemi arritur dot për vite të tëra që ta motivojmë komitetin për të qenë në lartësinë e vetë”, tha Rama.

Lajmet e fundit nga