LEXO PA REKLAMA!

SHKARKO APP

E fundit!

x

“Kontribuoni në fuqizimin e Shqipërisë”/ Yuri Kim jep bursa dhe certifikata për studentët shqiptarë

14 Korrik 2021, 16:58, Aktualitet CNA

Ambasadorja Yuri Kim dhe ministrja e Arsimit Evis Kushi i kanë dorëzuar sot studentëve përfitues të bursave Fulbright dhe Humphrey, certifikatat e përfundimit të studimeve.

Në një postim në rrjete sociale ambasada e SHBA ka ndarë foto të takimit ndërsa shkruan se Kim i ka nxitur ata të zbatojnë ato që kanë mësuar, për fuqizimin e Shqipërisë.

“Ambasadorja Kim dhe Ministrja e Arsimit, Sportit dhe Rinisë Evis Kushi përgëzuan studentët e Fulbright dhe Humphrey për përzgjedhjen e tyre për këto bursa prestigjioze dhe i uruan fat ndërsa përgatiten të fillojnë programet e studimit në Shtetet e Bashkuara.  Ambasadorja dhe Ministrja gjithashtu ju dorëzuan studentëve të sapokthyer çertifikatat e përfundimit të studimeve dhe i nxitën ata të zbatojnë ato që mësuan për fuqizimin e Shqipërisë”.

Kim thekson se që prej vitit 2019 Shqipëria ka kontribuar me fonde për këto programe duke i mundësuar ambasadës të dyfishojë numrin e studentëve shqiptarë që marrin bursa për të ndjekur masterin në SHBA.

“Ambasadorja Kim theksoi se ky vit shënon 75 vjetorin e programit Fulbright, programi kryesor i shkëmbimit të Departamentit të Shtetit për arsimin dhe kulturën. Që prej vitit 2019, qeveria e Shqipërisë ka kontribuar me fonde për programin Fulbright, gjë e cila i ka mundësuar Ambasadës të dyfishojë numrin e studentëve shqiptarë që marrin bursa për të ndjekur studimet master në Shtetet e Bashkuara”, shkruan ambasada.

Lajmet e fundit nga