E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Përfaqësuesi i trafikantit të drogës, merr në mbrojtje policët e Veliajt

14 Korrik 2021, 08:08, Aktualitet CNA

Nuk ka më çështje, fakte apo individë që mund të habisin në hapësirën mediatike shqiptare dhe politikën që drejton vendin tonë.

Ndodh që gazetarë pa skrupuj, të korruptuar, gjobaxhinj, fëlliqësirat e llumit të politikës, të keqpërdoren sa nga njëri krah dhe aq në krahun tjetër. Me parimin ?shko tek ai që paguan më shumë?, të ndërtojnë të ardhmen e tyre.

Historia 30-vjeçare ka thënë shumë emra. Së fundmi, ka dalë dhe një fenomen i ri.

Zëdhënësi i trafikantit të drogës, Xhemail Pasmaçiu, njeriu që bënte avokatinë e Ylli Ndroqit, gjatë kohës që këtij të fundit i dilnin dokumentat, se ishte një personazh i përfshirë në rrjetin ndërkombëtar të drogës dhe më pas kishte vënë pasuri të dyshimta, duke ngritur dhe perandori mediatike në Shqipëri, tashmë e ka braktisur liderin e tij shpirtëror. E ka braktisur ?Eskobarin? e tij dhe ka kaluar në krahun tjetër. Pikërisht tek ata që Ylli Ndroqi i shpallte armiq.

Dikur zëdhënësi i Pasmaçiut bënte mbrojtjen dhe avokatinë e atit të tij shpirtëror, pasi kërkonte që ky i fundit të mos sulmohej, mos të dilte e vërteta. Shkonte deri aty sa të fyente, shante, akuzonte dhe sulmonte këdo që i dilte përpara. Por, askush nuk i kthente përgjigje. Askush nuk e fuste në llogari, por të gjithë e përbuznin, e tallnin dhe e qeshnin, duke e parë si një thes me sallo, që lëpihej nga llumi i një grupi afër një trafikanti droge.

Kaluan pak kohë, dhe njeriu që ishte ?armiku? më i madh i kryebashkiakut të Tiranës, pranë Ylli Ndroqit, njeriu që përdorej si kamikaz nga ky i fundit, për të sulmuar kryebashkiakun e Tiranës, shfaqet në krahun e kundërt.

Pra, nga avokati i trafikantit të drogës, në avokat i kryebashkiakut të Tiranës dhe strukturave të tij.

Ndoshta është blerë me çmimin e kiles së sallos, ndoshta vlen më pak se një kovë me sallo. Por, kjo ka pak rëndësi. Ajo që është fakt, është se njeriu i cili dje mbronte Ylli Ndroqin dhe ishte zëdhënës i tij, tashmë ka kaluar në krahun e Erion Veliajt, hapur, duke u blerë si mall në tregun çam. Dhe qartazi bën avokatinë për një lugë sallo më shumë, që i ofrohet sistematikisht, apo që i është dhënë si pazar për të braktisur trafikantin e drogës dhe për të shkuar nën sqetullën e politikës së ditës.

Kështu ndodhi edhe me një fenomen mediatik që dje përfaqësonte drogën dhe sot përfaqëson korrupsionin e pushtetit.

Më skandaloze ka qënë ngjarja e fundit, ku një nënë është filmuar në rrugët e Tiranës në përballje me Policinë Bashkiake. Opinioni publik ka reaguar fort, ndërsa zëdhënësi i trafikantit të drogës është kthyer në zëdhënësin e Policëve Bashkiakë të Erion Veliajt, duke treguar një version tjetër. Duke dashur t?iu mbushë mendjen qytetarëve se e vërteta është ajo që thotë ai.

Por, a mund ta besojë kush zëdhënësin e një trafikanti droge, që vlen më pak se një kilogram sallo apo një kovë salloje e vjetëruar, në versionin e tij të së vërtetës?

Sallot e trafikantëve të drogës, të blera nga kryebashkiakë nuk kanë më asnjë vlerë për opinionin publik. Thjeshtë dhe vetëm ngelen një mbetje, e ndyrë, e neveritshme, e hedhur në kosh. Që nuk i vlen më askujt, pas përdorimit të radhës./CNA.al