LEXO PA REKLAMA!

SHKARKO APP

E fundit!

x

Plehra kimike kineze për shqiptarët/ SPAK përfshihet në skandal?

23 Qershor 2021, 10:36, Denoncim CNA
Plehra kimike kineze për shqiptarët/ SPAK përfshihet në

Në disa shkrime investigative, CNA.al ka denoncuar një skandal të përmasave të paimagjinueshme.

Bëhet fjalë për një skandal të ndodhur në vitin 2018, për të cilin CNA.al tregoi me dokumente ekskluzive, sesi në vendin tonë kanë hyrë më mijëra kuti me pesticide kineze që përdoren në bujqësi, të pacertifikuara nga Bashkimi Europian, të cilat ndaloheshin nga ligji.

CNA.al tregoi me dokumente ekskluzive sesi sasi pecticidesh të ndaluara janë ngarkuar në Kinë, më pas nga Shanghai kanë mbërritur në Durrës. (Lexo këtu)

Një pjesë e porosive ishin nisur nga AGRO-ZANI shpk, me adresë në Berat, e cila ka deklaruar se shoqëria eksportuese kineze, është filial i një kompanie spanjolle, gjë e cila nuk është provuar kurrë.

Ndërsa, një sasi tjetër, rezulton të jetë porosi e kompanisë ?Shegaj-Agr shpk?, e cila administrohet nga Adriatik Hadëri. Kjo shoqëri në 14.03, 2018 ka deklaruar zhdoganim për pesticide, të cilat përdoren në bujqësi, ku thuhet qartë se kompania eksportuese është një kompani kineze.

Ky shtetas ka deklaruar se shoqëria eksportuese kineze, është filial i kompanisë ?MAC-GmbH, me adresë në Gjermani. (Lexo këtu)

Gjithashtu CNA.al tregoi me dokumente ekskluzive se gjithçka ka shkuar drejt Prokurorisë së Durrësit, për t?u hetuar si një skandal dhe gjithashtu ka pasur edhe një informacion të plotë, dhënë nga Drejtoria e Hetimit, në dogana. Dhe po ashtu edhe KLSH, ka filluar një kontroll në dogana, në lidhje me skandalin në fjalë. (Lexo këtu).

CNA.al i shkoi më tej investigimit, ndërsa nga burime mësuam se Drejtori i Hetimit, që ka zbuluar këtë skandal, Ervin Brahaj ka pasur një përplasje të fortë me zv.kryeministrin Erion Braçe dhe është ky i fundit që ka kërkuar largimin e tij nga detyra.

Pra, zv.kryeministri Erion Braçe ka kërkuar dorëheqjen e drejtorit të Hetimit në dogana, i cili zbuloi skandalin e futjes në Shqipëri të mijëra kutive me pesticide kineze, të cilat ndaloheshin rreptësisht nga ligji .(Lexo këtu)

Por, edhe pse po bëhen gati dy javë, që CNA.al ka denoncuar skandalin në fjalë, SPAK vetëm ka heshtur.

SPAK, një ndër institucionet e dala nga Reforma në Drejtësi, për të cilin pritshmëritë janë të mëdha jo vetëm nga opinioni publik shqiptar, por edhe nga ndërkombëtarët, tashmë është përballë ?gurit? të provës.

Prokuroria e Posaçme Kundër Krimit të Organizuar dhe Korrupsionit, është institucioni që pretendohet se do hetojë korrupsionin tek zyrtarët e lartë dhe rasti i skandalit të futjes në Shqipëri të pesitcideve kineze të ndaluara nga ligji, ku dyshohet se janë të përfshirë zyrtarë të lartë të qeverisë Rama, është prova për SPAK.

Dokumentet janë të qarta, provat janë aty, dhe SPAK ka shansin t?iu tregojë shqiptarëve se më në fund do të vijë drejtësia e munguar.

Pra, SPAK ka rastin të tregojë nëse është në lartësinë që e kërkojnë shqiptrarët aoo është palë me korrupsionin./CNA.al

Plehra kimike kineze për shqiptarët/ Braçe kërkoi largimin e drejtorit që zbuloi skandalin

Ekskluzive-Skandali, plehra kimike kineze për shqiptarët

Dokumentet ekskluzive-Thellohet skandali me plehrat kimike kineze në Shqipëri/ Zbulohen të tjera detaje

Pesticide kineze për shqiptarët/ KLSH fillon kontrollin tek doganat

Skandali-Pesticide kineze për shqiptarët/ CNA.al sjell të tjera dokumente

Lajmet e fundit nga