LEXO PA REKLAMA!

SHKARKO APP

BE heq kufizimet me Shqipërinë/ Xhaçka paralajmëron qytetarët: Kujdes!

18 Qershor 2021, 09:55, Politikë CNA

Pas masave kufizuese të vendosura për shkak të situatës së pandemisë, Këshilli i BE ka miratuar rekomandimin për rishikimin e listës së vendeve, qytetarët e të cilave mund të rifillojnë lëvizjen e lirë drejt vendeve të Bashkimit Evropian, ku përfshihet edhe Shqipëria.

Ndërkohë, në lidhje me këtë lajm ka ardhur një reagim edhe nga Ministrja e Jashtme, Olta Xhaçka.

Kjo e fundit, në një postim në rrjetet sociale, shkruan se shqiptarët mund të udhëtojnë drejt vendeve të BE njësoj si ata që jetojnë brenda BE, por paralajmëroi qytetarët duke theksuar se disa vende mund të kenë protokolle specifike.

“Këshilli i Bashkimit Europian ka rekomanduar Shqipërinë në listën e vendeve të cilat mund të rifillojnë lëvizjen e lirë drejt vendeve të Bashkimit Evropian. Tashmë, qytetarët shqiptarë mund të udhëtojnë drejt vendeve të Bashkimit Evropian sipas të njëjtit regjim me qytetarët e BE. Një zhvillim shumë i rëndësishëm i cili njeh arritjet e Shqipërisë në luftën kundër COVID-19. Kujdes! Disa prej vendeve të BE mund të kenë protokolle specifike edhe pas këtij rekomandimi”, shkruan Xhaçka. 

Lajmet e fundit nga