Nga video-skandali erotik tek lidhja me Artan Santon/ Zbardhen kontributet e Grida Dumës në PD

12 Qershor 2021, 08:52, Politikë CNA

Grida Duma, e cila në zgjedhjet e 25 Prillit, mori mandatin e deputetes, por nuk arriti dot që ta bënte PD-në fituese në bastionet historike të kësaj forcë politike si në Kavajë dhe Rrogozhinë, del dhe flet për kontribute në PD.

Një ditë më parë, ndërsa ka komentuar zgjedhjet brenda PD dhe garën ndërmjet 4 kandidatëve, ka dalë në krah të Lulzim Bashës, kryetarit në detyrë të PD dhe ka sulmuar indirekt kandidatët e tjerë garues.

?Je në politikë ti, nëse nuk ke këllqe për të qëndruar në vijën e parë ti duhet të ikësh. Basha ka një strategji politike, ai debatin e ka me demokratët dhe me qytetarët dhe jo me sfidantët e tij, nuk mundesh të kthesh në debat publik. Unë e mendoj garën legjitime, duhen kontribute në parti, për të marrë PD-në“, është shprehur dje Duma.

Po vetë Grida Duma, çfarë kontributesh ka dhënë në PD, që i jep vetes të drejtë të vlerësojë kontributet e të tjerëve?

Kujtojmë se Grida Duma është një personazh politik dhe mediatik që shkëlqimin e saj e pati pas vitit 2013 kur në disa dalje televizive bëri mbështetje publike të ish-kryeministrit Sali Berisha dhe në ato momente të vështira fitoi jo pak nga mbështetja e demokratëve të cilët vinin të traumatizuar pas një gare humbëse të atij viti dhe daljes në opozitë.

Që nga atëherë e deri më sot, shkëlqimi i Grida Dumës, ka ardhur vetëm nga pamja e saj e jashtme dhe veshjet e saj të shtrenjta, se ndonjë shkëlqim tjetër lidhur me kontributet në PD nuk ka.

Le ta nisim nga zgjedhjet e 25 Prillit, që mbarë opinioni publik i ka më të freskëta.

Grida Duma, fytyra e bukur e PD-së, që ishte drejtuese politike në Bashkitë Kavajë dhe Rrogozhinë e fundosi PD atje. E fundosi në Bashkitë që historikisht kanë qenë bastion i PD-së

PD mori 10 115 vota në Bashkinë Kavajë, përkundër PS që mori 10 338 vota. Pra, me një diferencë prej 223 votash, PD ka shënuar humbje në bastionin e saj.

Ndërsa në Bashkinë Rrogozhinë, PD mori 3 949 vota, ndërsa PS mori 5 337 vota. Këtu diferenca ishte 1 338 vota. (Lexo këtu)

Pra, Duma dështoi dhe për më tepër nuk mbajti as premtimin që bëri në fushatë se do të dorëhiqej nëse Partia Socialiste do të merrte 7% të votave në Kavajë dhe Rrogozhinë.(Lexo këtu)

?Kontributet? E Grida Dumës në PD

Grida Duma flet për kontribute dhe ka ?kontribute? në PD. Duke filluar që nga lidhja e saj me çështjen e Artan Santos dhe tek video-skandali Salianji-G.D apo dhe me pazarin e saj me Lulzim Bashën e shërbimi ndaj marrëveshjes Rama-Basha.

Por Grida nuk ka folur dhe nuk flet për asnjërën prej këtyre ?kontributeve?.

Ajo ka heshtur par skandalin e videos erotike, Salianji-G.D, që u realizua në Kuvend.

Kujtojmë se Salianji fliste më një gjuhë perverse me G.D.(Lexo këtu)

Gjithashtu Grida Duma nuk ka folur as për ?kontributin? e dhënë në lidhje me çështjen e Artan Santos dhe se çfarë bisedoi me ish-Ministrin e Brendshëm Saimir Tahiri në zyrën e këtij të fundit. (Lexo këtu)

Nuk mund të harrohet qëndrimi i mbajtur nga ish-Ministri i Brendshëm Saimir Tahiri, i cili në një dalje të tij në emisionin Opinion në TV Klan, iu drejtua Gridës, se ajo e di mjaft mirë si punon.

Një tjetër ?kontribut? për të cilin Grida Duma hesht dhe nuk flet, dyshohet se ka lidhje me pazaret e Bashës me kryeministrin Edi Rama.

Edhe këto ?kontribute? janë, pavarësisht se në thelb janë skandale, se nëse flasim për kontribute të mirëfillta politike, Grida Duma nuk ka asnjë të tillë./CNA.al

Skandalet pa përgjigje të Grida Dumës/ Nga lidhja me Artan Santon tek videot si G.D

Ekskluzive-Video e deputetit në bisedën perverse/Shk……, pleh.., q..

Pse Gridës i iku zëri nga një fjali e Saimir Tahirit?

Nga ?miqësia? me Artan Santon te historia me Tahirin/ Çfarë nuk ju tregoi Grida të rinjve

Sfida e humbur e Grida Dumës ndaj Veliajt/ ?Burrash, nëse fiton 7% të votave do lë mandatin?