web counter
LEXO PA REKLAMA!

SHKARKO APP

App Store
Google Play

“Nuk mund t'i tradhtoj shqiptarët”/ Basha i sigurt për fitoren: Do vazhdoj betejën me Ramën

11 Qershor 2021, 21:11, Politikë CNA

Kreu i Partisë Demokratike, Lulzim Basha ka vijuar takimet me demokratët e Fierit mbrëmjen e sotme.

Teksa u ndal tek zgjedhjet e 13 qershorit për drejtuesin e ri të kësaj partie, Basha theksoi se nga kjo garë do të dalin të bashkuar dhe se do të vazhdojë betejën e saj për të rrëzuar regjimin e kryeministrit Edi Rama.

Ai nënvizoi faktin se nuk do të rrëzohet demokracia dhe as Shqipëria.

?Miqtë e mi, misioni i rrëzimit të regjimit do të thotë angazhim në një betejë, në një betejë të përditshme, në një betejë në të gjitha fushat dhe format. Edi Rama bën sikur shtrin dorën për bashkëpunim , me dorën tjetër heq mësuesit dhe mësueset e fierit, personelin shëndetësor vetëm se ka marrë pjesë në fushatën elektorale apo ka marrë pjesë në aktivitetet elektorale të Partisë Demokratike apo vetëm se është demokrate apo demokrat. Vazhdon të godas sipërmarrjen. Ka shkuar të marrë TVSH që premtoj që nuk do ta merrte. Godet banesat dhe i lë pa çati të mjerët dhe me dorën tjetër kërkon bashkëpunim, bën sikur kërkon bashkëpunim. Përgjigja ime ndaj kësaj po kështu është e qartë dhe pa asnjë ekuivok, një Jo e prerë dhe finale.

Dora e Edi Ramës është e mbushur me helmin e bashkëfajësisë. Të rrokësh atë dorë do të thotë të shkelësh mbi sakrificën tuaj. Të rrokësh atë dorë do të thotë të pranosh masakrën zgjedhore dhe rënien e demokracisë. Të rrokësh atë dorë do të thotë të bëhesh bashkëfajtor. Nuk ka bashkëpunim me Edi Ramën, ka vetëm betejë me të dhe me regjimin e tij.

Partia Demokratike që ka dalë nga kjo masakër jo më e vogël por më e madhe, jo më e dobët por më e fortë, jo me kokën ulur por si e vetmja forcë morale politike në Shqipëri, nuk ka rrugë tjetër, nuk mund ta tradhtoj Shqipërinë dhe shqiptarët, nuk mund ta tradhtoj Fierin dhe fierakët. Ka vetëm një rrugë, rrugën e betejës. Betejës deri në fund për të rrëzuar regjimin?, ka deklaruar Basha./CNA.al

 

 





Lajmet e fundit nga