E fundit!

22:49 Aktualitet

VIDEO- “Turp, jep dorëheqjen”/ Protestuesit i zënë pritë Ramës në Berlin

Kryeministri Edi Rama është përballur me protesta nga dias...

Faktet/ Basha mbledh koalicionin 21 janari

25 Shkurt 2021, 11:03, Politikë CNA

Debatet do vazhdojnë gjithmonë, por nga axhenda politike e demokracisë 21 janari do ngelet data ku përballë kryeministrisë u vranë 4 persona të pafajshëm, në një protestë të dhunshme të opozitës e cila sot është në pushtet pjesërisht.

Kush ishin partitë e 21 janarit?

Në 21 janar 2011 Edi Rama thirri një demostratë përpara kryeministrisë. Ai nuk ishte i vetëm në kërkim të ?Bllokut të Ilir Metës? denoncuar me një video skandaloze në Fiks Fare. Në 21 janar opozita e atëhershme protestonte kundër Ilir Metës dhe skandaleve të tij korruptive. Një aleat kryesor në krah të Edi Ramës ishte Vangjel Dule i PBDNJ, i cili kishte dalë nga qeveria Berisha në vitin 2009.

Nard Ndoka ishte një nga aleatët kryesorë të socialistëve, të cilit Edi Rama i shkonte edhe në zyrat e tij, ku jepte deklarata dhe qëndrime politike. Preç Zogaj sot analist në krah të koalicionit Basha, në atë kohë ishte zëdhënësi i koalicionit të opozitës së bashkuar, që e quante Rama. Agron Duka në atë kohë ishte sekretar i Bujqësisë në PS. Duka më pas mori drejtimin e partisë Agrare Ambientaliste. I fundit jo për nga rëndësia është Bamir Topi, në atë kohë president i cili u akuzua nga Sali Berisha si horr bulevardi.

Ku janë sot?

Të gjithë me radhë nga horri i bulevardit, tek klani i Zemunit, sot janë aleatët e Lulzim Bashës që në 21 janar ishte ministër i Brendshëm dhe personi kryesor përgjegjes për vrasjen e 4 personave. Nard Ndoka po merr mandatin e dytë si deputet i PD, Agron Duka po futet në listë të sigurt në Durrës, Vangjel Dule ka dy zona në lojë Vlorën ose Tiranën, Bamir Topi hyri dje si aleat i Bashës duke marrë edhe ai thelën e tij, në fund ngelet Preç Zogaj që sot është zëdhënësi kryesor i Bashës në ekrane.

Vetë Ilir Meta i LSI pasi qeverisi me Rilindjen dhe u bë president i Edi Ramës, tani është aleat me Bashën dhe ata që i kërkonin bllokun në 21 janar. Lulzim Basha nuk ka pse e quan Aleanca për Ndryshim, por Koalicioni 21 janari, jashtë këtij koalicioni ka ngelur vetëm Edi Rama tashmë që ka dalë kundër aleatëve të tij dhe Ilir Metës duke i mbajtur syrin shkelur Lulit të Republikës së re që ka mbledhur të gjithë veglat e opozitës së djeshme si instrumeta të shpresës për fitore.

Sa vota vlejnë aleatët e Lulzim Bashës?

Lulzim Basha dje firmosi me aleatët e tij koalicionin PD- Aleanca për Ndryshim, ku kryeson PD dhe pasohet nga 13 parti të tjera. Arritja e marrëveshjeve me aleatët u quajt fitore e madhe nga Basha, por le të shohim peshën specifike të këtyre partive të firmosi Luli, i cili nga ana tjetër ka nxjerrë përballë vetes edhe të paktën 4 parti të reja opozitare dhe shumë flukse kritike brenda së djathtës. Le të shohim rezultatet zgjedhore në të paktën dy ose 3 procese votimesh parlamentare për të parë peshën specifike të këtyre partive. Në zgjedhjet e vitit 2017 aleatët që sot kanë firmosur me Bashën janë të gjithë brenda listës të PD, përfshi këtu dhe shumë parti të tjera si ajo e Kujtim Gjuzit, Kostaq Papës, etj.

PDIU
Vetëm dy parti janë jashtë këtij koalicioni dhe me votat e tyre. PDIU e Shpëtim Idrizit me 76 maijë vota, që në marrveshje me Bashën ka marrë 2 mandate në tavolinë. Por kjo parti nuk ndodhet më në pozitat që ka pasur, ka një përçarje dhe rrjedhje votash. Eksponentë të saj si Aqif Rakipi, Dashamir Tahiri e të tjerë janë larguar nga kjo forcë dhe pesha specifike e votave në dy qarqe kryesore si në Elbasan dhe Vlorë ka rënë ndjeshëm. Gjithsesi Idrizi ka siguruar 2 mandate në tavolinë.

Në zgjedhjet e vitit 2013 në aleancë me Sali Berishën, PDIU mundi të siguronte 44 mijë vota në rang kombëtar me një peshë prej 4 mandate deputetësh, ku përfshiheshin edhe Aqif Rakipi edhe Dashamir Tahiri. Në vitin 2009 kanë qenë PDIU forca politike çame në aleancë me PD

FRD
Forca e dytë është FRD e Bamir Topit me 5100 vota në vitin 2017, që shkon e coptuar dhe për lëmoshë tek Basha. Nuk dihet cila do jetë pesha e votave në koalicion, por ajo do shihet nga votat që do kenë në zgjedhjet e 25 prillit.

PR
Partia Republikane në zgjedhjet e vitit 2017 nuk ka peshë votash pasi ishte brenda listës të PD, regjistrimi në KQZ ishte lëvizje taktike, për ruajtjen e komisionerëve.

Çfarë e mban peng koalicionin me Bashën?/ Rrëfehet Mediu: Nuk kërkoj vend të sigurt, por? Në vitin 2013 PR, në koalicion siguronte rreth 53 mijë vota, këto të sjella kryesisht nga emra kandidatësh që vinin nga rradhët e PD. Aty ku nuk mundeshin të siguronin mandat të sigurt brenda PD, garonin me PR apo parti të tjera aleate, levizje kjo konsensuale sepse maksimalizonte votën brenda koalicionit.

Në zgjedhjet e vitit 2009, republikanët do kishin 32 mijë vota me të njëjtën skemë të 2013 e cila ishte aplikuar në vitin 2009 dhe ishte perfeksionuar 4 vite më pas. Sot në fakt Fatmir Mediu ka ngelur me një grusht njerzish që nuk kanë vota sa një autobus unaze, nga këto të rretheve se të Tiranës nuk i mbushin dot, kaq mund të mbledhin sot për partinë që ai e drejton prej 20 vjetësh.

Të gjithë këta ishin përballë Sali Berishës e Lulzim Bashës në 21 janar, sot janë në krah të Lulit. Po Berisha çfarë do thotë?/CNA.al

Tetë vite nga 21 Janari/ Rama-Meta-Basha, pushtet mbi gjakun e viktimave