E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Dasho nxjerr shifrat/ MSH ka raportuar pesë herë më pak se ai që duhet të jetë numri real i vdekjeve

15 Shkurt 2021, 16:47, Lifestyle CNA

Eksperti i Shëndetit Publik, Erion Dasho, ka folur në lidhje me situatën e pandemisë në vendin tonë dhe rritjen e shifrave.

Sipas Dashos, kjo rritje e pakontrolluar vjen për faktin se në Shqipëri nuk janë marrë masa për kontrollin e virusit.

?Kjo shpjegohet me faktin se vala e dytë përkon me stinën e virozave, kur njerëzit janë më të prekshëm ndaj viruseve respiratore, temperaturat e ulëta e ekspozojnë më tepër organizmin, kur kalohet më shumë kohë në mjedise të mbyllura dhe të ajrosura keq, etj.

Por, në radhë të parë, kjo rritje e pakontrolluar vjen nga fakti se në Shqipëri nuk janë marrë masa për kontrollin e virusit. Me përjashtim të një mase të paefektshme, siç është detyrimi për të mbajtur një maskë prej lecke në rrugë, e cila për më tepër nuk mbahet në mënyrë korrekte, masa të tjera pothuajse nuk merren.

As testohet me seriozitetin e nxjerrjes së të infektuarve realë, as gjurmohen këta dhe as trajtohen me seriozitetin e rigorozitetin e përcaktuar, sikundër nuk merren masa për të garantuar transport të sigurt, vende pune të sigurta, spitale të sigurta, etj. Në këto kushte, situata po shkon keq e më keq dhe gjasat janë të përkeqësohet edhe më tej gjatë shkurtit, është shprehur Dasho në një intervistë për Arbëria news.

Sa i përket besueshmërisë së shifrave të raportuara, Dasho tha se nuk i përgjigjen realitetit dhe se MSH ka raportuar pesë herë më pak se ai që duhet të jetë numri real i vdekjeve.

?Shifrat nuk janë aspak të besueshme. Sa më pak testime, aq më i ulët është numri i rasteve që diagnostikon dhe kjo nuk i përgjigjet realitetit, por e fsheh atë.

Kur raportohen të shtruarit nëpër spitalet e ?COVID?-it nuk raportohen personat e prekur nga ?COVID?-i, dhe që nga testi rezultojnë negativ dhe as rastet e shtruar në spitalet e rretheve. Nëse do të raportoheshin të gjithë këta të shtruar, numri do të ishte afër 1 mijë dhe jo më shumë nën këtë shifër sa jepet sot. Edhe numri i vdekjeve të raportuara është shumë më i vogël se ai real. Për t?u bindur për këtë po ju përmend se Zyra e Gjendjes Civile sapo raportoi se gjatë vitit 2020 kanë humbur jetën rreth 6 mijë persona më tepër se mesatarja vjetore, potencialisht të gjitha vdekje të lidhura me ?COVID?-in. Në fakt, Ministria e Shëndetësisë, deri në 31 dhjetor 2020, kishte raportuar vetëm 1,181 vdekje, pra mbi pesë herë më pak se ai që duhet të jetë numri real i vdekjeve.?/CNA.al