web counter
LEXO PA REKLAMA!

SHKARKO APP

App Store
Google Play

E fundit!

x

Meta i prerë me Ramën/ Në këtë situatë nuk ka vend për "sekrete"

16 Janar 2021, 16:58, Politikë CNA

Presidenti Ilir Meta është treguar i prerë, sa i përket debateve për ardhjen e vaksinës anti-covid në vendin tonë në mënyrë sekrete.

I ftuar në ?Kjo Javë? Meta tha se e shikon me shqetësim këtë situatë duke shtuar se në një pandemi si kjo nuk duhet të ketë vend për sekrete.

“Shqipëria ka nevojë për një plan të qartë për vaksinimin e popullsisë dhe duhet ta kishte prej kohësh.

Është e nevojshme sigurimi i vaksinës për atë pjesë të popullsisë, që e ka të domosdoshme.

Nuk duhet të harrojmë situatën aktuale në spitalet tona, që vazhdon të jetë kritike dhe që detyron një kujdes më të madh ndaj të gjithë qytetarëve, të cilët janë të prekur dhe po luftojnë me COVID-19.

Është lajm i mirë çdo lajm, që i shërben përballimit të kësaj situate në të gjithë dimensionin e vet real.

Çdo mbërritje e vaksinave është pozitive, por çdo fshehje e problematikës së gjerë përmes akteve të karakterit propagandistik, nuk i shërben qëllimit të përgjithshëm dhe në këtë drejtim, sigurisht që kemi pasur dhe kemi probleme tepër shqetësuese.

Të mos harrojmë, që në spitalet tona mungojnë një pjesë e mirë e pajisjeve shpëtuese dhe raste të mesme apo të rënda trajtohen jashtë vendit.

Të mos harrojmë, që jemi vendi me personelin mjekësor më të dëmtuar.

Ndaj është shumë e rëndësishme që të gjitha hapat t?i shërbejnë një strategjie të qartë të përballimit sa më efektiv të COVID-19.

Duhet të kemi në konsideratë edhe shumë problematika të tjera, që mund të ishin menaxhuar shumë më mirë, përfshi edhe çështjen e vaksinimit, kur dihet, që qeveri të tjera i kanë zgjidhur këto probleme prej kohësh dhe kanë një program shumë më të qartë vaksinimi se sa ne.”/CNA.al

 





Lajmet e fundit nga