“Më çmendet! Jam me fëmijë, mo burrë”/ Policia shoqëron me dhunë qytetarin që po merrte krep poshtë pallatit

28 Maj 2020, 19:46, Denoncim CNA
“Më çmendet! Jam me fëmijë, mo burrë”/

Roland Dhimogjini ka një biznes kreperi pranë sheshit Wilson në Tiranë. Ai tregon, se në datën 12 Maj, rreth orës 21:00, kanë mësyrë forcat e Komisariatit Numër 2, pasi ne trotuar ishte një qytetar që banonte në të njëjtin pallat me kreperinë e që po priste të merrte një porosi.

Qytetari është shoqëruar me forcë në polici, ndërsa administratori i biznesit është kërcënuar me gjobë për thyerje të karantinës, por pa asnjë akt me shkrim.

?Stop? transmeton pamjet e asaj nate, ku dëgjohet qytetari që thotë se ka djalin vetëm e ka zbritur thjesht për t?i marrë një krep.

Nga ana tjetër dëgjohet edhe Rolandi, që këmbëngul se qytetari është jashtë lokalit dhe ai punon vetëm në shërbimin delivery.

Punonjësi i Policisë: Atëherë unë do të plotësoj një procesverbal. Arsyeja, unë ju gjeta në shkelje duke shitur. Ke të drejtën të shkosh të ankohesh. Unë do të vazhdoj procedurat e mia. Unë ju vë gjoba personave.

Qytetari i shoqëruar: Jam me fëmijë mo?

Punonjësi i policisë: Qetësohu, qetësohu!

Qytetari i shoqëruar: Jam me fëmijë?

Punonjësi i policisë: Po mirë mo ç?rëndësi ka? Ça po të bëjmë?

Punonjësi i policisë:Më çmendet! Jam me fëmijë, mo burrë.

Punonjësi: Te makina!

Qytetari i shoqëruar: Kam fëmijën vetëm.

Punonjësi i policisë: Vazhdo te makina!

E çojnë për ne komisariat

Denoncuesi: Duhet ta mbyll?

Punonjësi: Jo ti do vazhdosh delivery, me numrin e telefonit!

Denoncuesi: Ai çuni ka shtëpinë në kat të dytë, nuk mund t?ia çoj unë, të paguaj lekët edhe tha po vij ta marr?

Punonjësi: Nuk lejohet.

Denoncuesi: Nuk erdhi brenda në subjekt zotëri, ishte përjashta, subjekti është i mbyllur.

Qytetarja: Si e kanë marrë?

Denoncuesi: E morën me dhunë moj, ja këtë bën policia e shtetit.

Në Komisariatin Numër2na u tha, se masën për biznesin e vendos komisioni me në krye shefin e komisariatit dhe qytetari mund të mbrohet atje.

Në fund komisioni vendosi mosgjobitjen e biznesit, duke marrë në konsideratë pamjet filmike.

Për sa i përket qytetarit të shoqëruar, ky shoqërim zgjati vetëm një orë dhe ai u la të kthehej në banesën e tij. /tvklan.al

Lajmet e fundit nga