web counter
LEXO PA REKLAMA!

SHKARKO APP

App Store
Google Play

Koronavirusi "pajton" Metën me qeverinë/ Presidenti takon Manastirliun

10 Mars 2020, 19:58, Politikë CNA

Sot në mbrëmje, ministrja e Shëndetësisë, Ogerta Manastirliu dhe një pjesë e ekipit të Task-Forcës të angazhuar për përballimin e pandemisë së koronavirusit, mbajtën takim me presidentin Ilir Meta, pas kërkesës së këtij të fundit.

Lajmin e ka bërë të ditur presidenti, i cili deklaron se takimi u mbajt jo vetëm për t?u shprehur solidaritetin dhe përkrahjen e tij, por edhe për të ngritur disa shqetësime me qëllim përmirësimin e mëtejshëm të reagimit institucional.

Meta deklaron se ka theksuar domosdoshmërinë e rritjes së bashkëpunimit të ngushtë mes institucioneve, veçanërisht me qytetarët, si dhe përfshirjen e kapaciteteve njerëzore e shkencore, edhe jashtë shërbimit aktiv shëndetësor.

“U interesova për gjendjen aktuale shëndetësore të qytetarëve të prekur nga koronavirusi, dhe shpreha falenderimin dhe mirënjohjen time për të gjithë mjekët, infermierët, sanitarët dhe personelin mbështetës që është duke shërbyer me profesionalizëm dhe përkushtim maksimal. Nënvizova rëndësinë e marrjes së plotë të masave mbrojtëse për personelin shëndetësor dhe përshëndeta mbështetjen financiare shtesë të miratuar nga qeveria për ta.

Duke theksuar se shëndeti i çdo qytetari është prioriteti ynë kryesor, dhe se në këtë situatë kërkohet përgjegjshmëri maksimale, bashkëpunim i menjëhershëm, profesionalizëm, përkushtim dhe transparencë, i ftoj të gjithë qytetarët të respektojnë me përpikmëri dhe rigorozitet protokollet shëndetësore, këshillat e stafeve të specializuara mjekësore, të ndjekin dhe të zbatojnë vetëm sugjerimet e institucioneve shtetërore, dhe për çdo shqetësim t?i drejtohen numrin 127 të vendosur në dispozicion nga Ministria e Shëndetësisë”, shkruan Kreu i Shtetit në një postim në rrjetet sociale.

Meta thekson se në këtë betejë me koronavirusin janë bërë së bashku për të mbrojtur shëndetin e çdo qytetari./ CNA.al





Lajmet e fundit nga