web counter
LEXO PA REKLAMA!

SHKARKO APP

App Store
Google Play

Tenderi 15 mln euro për biznesmenin pranë Bashës/ Abi Malltezi denoncim të fortë

31 Janar 2020, 17:01, Politikë CNA

Anëtari i Kryesisë së Partisë Demokratike, Jamarbër Malltezi ka denoncuar tenderin 15 milionë euro që qeveria i ka dhënë një prej firmave me lidhje të forta me Lulzim Bashën, firmës ?Victoria Invest? të Fatmir Kucit, dhe një subjekti tjetër italian.

Malltezi ka publikuar një tabelë dhe deklaron se afera është bërë në vitin 2009-2010, kur banorët e Porto Romanos fituan një sipërfaqe të gjelbër aty ku më parë ishin mbetjet e rrezikshme të lindanit.

Sipas tij, projekti mbikëqyrej nga Banka Botërore, në kohën kur qeveria i ka dhënë rehabilitimin pa tender.

?I gjithë komponenti përfshi transportin e mbetjeve të rrezikshme për në Gjermani, projektin, ndërtimin e inkapsulimit për mbetje të rrezikshme (jo urbane!), supervizimin etj. kushtoi pak më pak se 4 milionë dollarë. Sot marrim vesh sihariqin që veç për rehabilitim qeveria po i jep pa tender 15 milionë euro (gati 16.6 milione usd) një kompanie që e ka zgjedhur vetë, janë pa sy-më-sy dhe kanë përlarë-ndarë paratë bashkë. Bateërdia përmbi 4-fish. Po pse janë 4 herë më të lirë kur bëhen projektet me fondet e huaja? Për më tepër edhe me cilësi të veçantë deri për mbetje të rrezikshme! Kjo ndodh veç në republikat e bananeve ku lideri suprem vjedh në mënyrë supreme. Dhe nuk ka as institucione që ta vënë nën kontroll, as zotërinj brenda forcës së vet politike që të shprehen haptaz ?Jo në emrin tim!?, shkruan ai në rrjetet sociale.

Malltezi thekson më tej se pas kësaj vjedhje të 4-fishtë fshihet banda që dalë për plaçkë dhe ka blerë, kërcënuar dhe rryshfetuar këdo që i doli përpara./ CNA.al

Zbulohet një tjetër provë e marrëveshjes me Bashën/ Rama miliona euro për firmën që paguan te kunati

Rama jep 15 milion euro pa tender, për firmën pranë Lulzim Bashës

Skandali/ Fituesi i tenderit 15 milion euro në Porto Romano u regjistrua në QKB 3 ditë para procedurës





Lajmet e fundit nga