web counter
LEXO PA REKLAMA!

SHKARKO APP

App Store
Google Play

Demokratja nxjerr zbuluar Ramën/ Publikon mesazhin e mjekut, si gënjeu për spitalin e Vlorës

31 Janar 2020, 15:34, Politikë CNA

Ish-deputetja e PD-së e qarkut të Vlorës, Nada Meçorapaj, ka nxjerrë bllof kryeministrin Edi Rama lidhur me deklaratën e këtij të fundit për Spitalin Rajonal të Vlorës.

Rama tha se Vlora është plotësuar me mjekë të specializuar dhe qytetarët nuk kanë më nevojë të shkojnë në Tiranë, pasi sipas tij kanë arritur të trajtojnë edhe tumorin.

Por demokratja ka publikuar mesazhin e një mjeku të Vlorës, i cili zbulon pamjen reale te shëndetësisë në këtë qytet.

“Vlora përballet me mungesë të theksuar në mjekë specialistë: nuk ka mjek laboratori, nuk ka mjek hematollog, nuk ka mjek toksikollog, nuk ka mjek infeksionistë, ka vetëm një mjek neurollog të vetëm për gjithë qytetin, mjekët obseter gjinekollogë janë pothuajse të gjithë pensionisteë dhe mjekët e ardhur të emëruar nga ministrja nuk mbulojnë urgjencat në spitale sepse vijnë në orën 9 dhe ikin në orën 12.
U konstruktua Poliklinika dhe nuk u ble asnjë aparaturë e re, grafia është e vjetër, e dhuruar nga një mjek i ikur në Gjermani, ECHO kardiake në poliklinikë nuk ka, laboratori i poliklinikeës i gjithi me paisje të vjetra. Në spitale nuk ka asnjë investim në aparaturë vetëm suva, dyer dhe lyerje me bojë.
Në reanimacion mungojnë monitorët, në sallat e operacionit veglat e SANISERVIS janë të një cilësie shumë të ulët, nuk ka mjete për larjen e duarve të kirurgeve, nuk ka krevate operatore, mungon ndriçimi i sallave teë operacionit, mungojnë aparaturat radiollogjike në spitale dhe në sallat operatore?, thuhet në mesazhin e mjekut për Meçorapajn./ CNA.al





Lajmet e fundit nga