Luan Rama bën bilancin e janarit 2020/ Shqiptarët vazhdojnë të mos qeverisen, situata po bëhet me e rëndë

31 Janar 2020, 13:20, Politikë CNA

Nënkryetari i LSI-së, Luan Rama ka bërë sot një bilanc të përmbledhur të zhvillimeve politike dhe të të gjithë situatës në vend në mbyllje të janarit 2020.

Në një deklaratë për mediat, Luan Rama tha se ajo çfarë bën përshtypje dhe që nuk bën fare surprizë për shqiptarët është që dhe janari i vitit 2020 nuk bën përjashtim nga trendi i problemeve të mëdha të qeverisjes.

Sipas Ramës, shqiptarët vazhdojnë të mos qeverisen, shqiptarët vazhdojnë të jenë nën pushtetin e dhunshëm të një qeverie që nuk punon për ta e për pasojë situata e tyre sa vjen e bëhet gjithnjë e më e rëndë.

Po ashtu, ai tha se qeveria është në kontrast me veprimet e opozitës, për të cilen u shpreh se ka treguar vullnet për të përmbushur kushtet e Bundestagut.

?Në kontrast me vullnetin e shprehur të opozitës, në kontrast me atë çfarë synon në fakt tryeza e dialogut politik ku po punohet për Reformën Zgjedhore, e cila është në thelb edhe përmbushja e detyrimit të vetëm që ka opozita në kuadër të të gjitha kushteve Bundestagut gjerman, e gjithë pjesa tjerët është si mos më keq.

Në mënyrë të veçantë ajo që bie në sy jo thjesht si shkak i perceptimit të publikut, por që evidentohet dhe përmes fakteve, të dhënave, shifrave konkrete është rritja alarmante e kriminalitetit, rritja e numrit të vrasjeve, rritja e pasigurisë dhe evidentimi i mungesës së efiçencës së organeve shtetërore, organeve ligj-zbatuese në krijimin e kushteve të parametrave të sigurisë në vend.

Nuk ka se si të ndodhë ndryshe sepse e kam thënë dhe e përsëris që qeverisja e vendit, mazhoranca e vendit duke pasur nje bazë kriminale që lidhet me krimin elektoral, me vjedhjen, me rolin e grupeve kriminale në zgjedhje, natyrisht nuk ka se si të bëjë tjetër përveç se të jetë në sintoni të plotë me të gjithë veprimtarinë e grupeve kriminale që atë e suportojnë dhe në fakt, të cilat ajo punon.?-tha Luan Rama.

Po ashtu ai është ndalur edhe te paketa e censurës kundër mediave, ndërsa theksoi se ?Dje në sallën e Kuvendit paturpësisht dhe pavarësisht faktit që u detyruan të tërhiqen nga marrëzia e tyre për ta miratuar dhunshëm këtë, pra të quajtur paketë ?Anti-Shpifje?. Paturpësisht, mazhornaca nuk pati guximin të kërkonte ndjesë për kostot që krijoji, për debatin që hapi, për problemin që krijoi mbi imazhin e vendit edhe tek partnerët ndërkombëtarë dhe u desh me të drejtë kthimi i ligjit në Kuvend nga ana e Presidentit të Republikës. U desh krijimi i një fronti të përbashkët dhe unik, të aktorëve mediatik shqiptar, por edhe të partnerëve ndërkombëtar të Këshillit të Europës, të Komisionit Europian, të OSBE-së dhe të një morie organizimesh të tjera në kundërshtim të kësaj marrëzie që e ka emrin ?Paketa Antishpifje? që të imponohej tërheqja derisa të mbërrijë opinioni i Komisionit të Venecias.?/ CNA.al