Connect with Us

Tre shërbëtorët e Soros në Shqipëri

Politikë

Tre shërbëtorët e Soros në Shqipëri

Publikuar

-

Historia e George Soros në Shqipëri fillon me ardhjen e demokracisë, me fondacionin e tij dhe shumë personazhe që i shërbyen dhe më pas u mbështeten prej tij për të ecur në politikë, deri në rangjet më të larta të vendit.

Edi Rama, George Soros, Alex Soros

Një nga njerëzit kryesorë të George Sorosit në vendin tonë është kryeministri Edi Rama, i cili e ka pranuar publikisht dhe e ka vlerësuar gjithmonë si filantropin amerikan. Ky i fundit një njeri i shumë akuzuar për sjelljet e tij, jo vetëm në Shqipëri por edhe në ish-Europën Lindore.

Kujtojmë këtu kryeministrin Hungarez, Viktor Orban, por edhe ish-kryeministrin Berisha i cili e quan një mafie antishqiptare.

Por, pas Ramës në një histori të gjatë dhe lidhje të forta me George Soros, jo vetëm ai por edhe familjarë dhe të afërm të tij, në krah të Soros është edhe një personazh tjetër politik. Ai quhet Lulzim Basha.

George Soros, në zyren e Bashës, në selinë e PD

Opozita me ardhjen e Bashës ka pasur mjaft oshilacione, afrime dhe largime, por edhe pazare me kreun e qeverisë.

Shpesh Basha është njohur si një vegël e Soros. Në dhjetor të 2014, ky i fundit zbarkoi në selinë e PD-së, ku nuk kishte mundur të hynte për 24 vite. Në zyrën e Lulzim Bashës, të cilën e tregon fotoja, por që e ka pranuar edhe vetë Luli.

Më pas filloi ta sulmonte sepse kishte një presion të fortë brenda radhëve të PD-së.

Por, çfarë ndodhi?

Dalëngadalë u zbulua se Lulzim Basha kishte studiuar në Hollandë, me paratë e Fondacionit Soros. Ai këtë nuk e tha kurrë, por pas pyetjeve të shumta nga media, pas shkresave të shumta të dërguara në selinë e PD-së, në një emision televiziv Basha pranoi se kishte studiuar me paratë e Sorosit, me disa bursa të fituara nga Universitetit Utrecht i Holandës.

Basha hyri në çadër dhe e sulmoi Sorosin, por më pas e harroi. Lëvizi në një krah tjetër. Hyri sërish nën “sqetullën” e Sorosit. Ajo që bëri gjatë çadrës me akuzat që hodhi ishin thjeshtë një fasadë të cilën e justifikoi pas takimeve me djalin e George Soros, Alex Soros.

Ky i fundit është shfaqur shpesh në foto me kryeministrin Edi Rama. Dje Alex Soros u shfaq në Tiranë. Ai “pushtoi” më në fund edhe zyrën e presidentit të Republikës, Ilir Meta. Ky i fundit pak kohë më parë akuzoi fort Sorosin, Ramën dhe Bashën. Por, dje në zyrë i “qahej” Alex Sorosit se Edi Rama po kapte Gjykatën Kushtetuese.

LEXO EDHE:  Kryemadhi i përgjigjet direkt Bashës/I paaftë, PD qëndroi në sallë, ja ç’thotë për këshilltarët e LSI
                         Alex Soros, Ilir Meta

Edhe Ilir Meta, i cili pretendohej si kalaja e fundit e shtetit shqiptar, që nuk ishte dorëzuar tek Soros, dje ra.

Ra pas vizitës së Alex Soros në Tiranë, i cili ndodhet gjithmonë kur Rama takon Vuçiç apo Zaevin, dhe kur ndizen debate e diskutime për Shengenin Ballkanik, dhe teoritë për Jugosllavinë e re.

Rama në Boegrad, Alex Soros atje. Vuçiç në Tiranë, e Soros sërish këtu.

Por, në përfundim të të gjithë këtyre axhendave politike, të dekadës së fundit, sot ne kemi një kryeministër të preferuar dhe të mbështetur nga Soros.

Kryeministri të paktën nuk është fshehur si Luli dhe Meta. Ka qënë gjithmonë i hapur dhe pa dorashka për mikun e tij Soros.

Kemi një kryetar opozite të shkolluar, financuar dhe një vegël të Soros.

Dhe së fundi kemi edhe një president të dorëzuar pa kushte që quravitet, jo tek George Soros, por tek djali i tij, Alex Soros, trashëgimtari i Fondacionit që në Shqipëri çfarë nuk ka bërë këto vite. Kemi një president që dikur thoshte se ishte “Mic Sokoli”, por doli “Micky Mouse” i Soros.

Ndërsa Luli në fakt ska faj, ai përshesh me kos ha.

Por, faktet flasin vetë, të tre janë vegla të Sorosit dhe asgjë më shumë. Në çfarë situate ndodhet Shqipëria të gjithë e shohin dhe e dëgjojnë çdo ditë. Veglat e Soros drejtojnë vendin.

Nuk mungon gjë tjetër, veçse nga institucionet të heqin Ismail Qemalin dhe të vënë foton e George Soros, si atë të diktatorit dikur./ CNA.al

Rama del në mbrojtje të Sorosit/”Zbulon” kush e puthi dorën e tij

Basha kyç gojën për Soros-in/ Tenton të justifikojë tradhtinë ndaj Metës

Meta sërish kundër Soros/ Duhet të mbrojmë interesat tona kombëtare

Meta sulmon Soros/ Qëllimi i tij është të fitojë sa më shumë ku të mundet

Kapja e Gjykatës Kushtetuese/ Meta “i ankohet” djalit të Xhorxh Soros

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Bylykbashi tërhiqet nga akuzat për pazarin Rama-Basha

Publikuar

-

Nga

cna lajme politike

Dy ditë më parë deputeti i PD-së, Oerd Bylykbashi hodhi akuza të forta kundër kryetarit të PD, Lulzim Basha duke deklaruar hapur se Basha po bën pazar me Ramën në lidhje me çështjen e zgjatjes së afatit të Komisionit të Pavarur të Kualifikimit për vettingun e gjyqtarëve në këmbim me Reformën Territoriale që duan demokratët.

Është fakt i njohur që PD  synon reformë të re territoriale me objektiv shtimin e numrit të bashkive në vend. Interesat e PS shkijnë nē drejtim të kundërt pasi PS nëpërmjet reformës territoriale synon zvogëlimin e tyre.

Sipas akuzave të publikuara në rrjete sociale Bylykbashi, deklaroi që Basha me Ramën po që të shtojë disa bashki në hartë, ku shpreson se mund të shtojë votat e demokratëve dhe në këmbim do t’ë japë votat e nevojshme për të shtyrë afatin e vetingut.

Deputeti demokrat shkruante se Rama dhe Basha kanë hapur një pazar kuajsh, (horse trading) kur sipas tij në fakt opozita duhet të fokusohet në ndryshimin e një sistemi të ri zgjedhor që të mund t’i garantojë asaj votën e lirë.

Deklarata e Bylylbashit nuk ka kaluar me injorim nga selia blu. Dhe dje gjatë mbledhjes me grupin parlamentar, raportohet ky debat midis Kryetarit Basha dhe deputetit Bylykbashi:

” Basha : Oerd ke ti ofertë për cështjen e vetingut?

Bylykbashi : Ato lloj insinuatash tërhiqi kryetar. Unë po përsërisja një qëndrim që ta kam thënë në grup parlamentar, para dy javësh. Unë e kisha për Ramën atë postim. Qëndrimi im është në parim.  Duhet të ishte këtu Kryetari i Grupit i ngarkuar per vetingun I cili më ka kontaktuar mua ditën e enjte dhe i kam thënë kujdes se nuk është interesi ynë. Rama e di shumë mirë cfarë do, se e thotë në publik. Unë kam thënë Rama ofron pazar, nuk kam thënë që ka marrëveshje PD.  Unë ta kam thënë në grup, ne na duhet sistemi zgjedhor, reforma zgjedhore, reforma territoriale dhe pastaj vetingu.

LEXO EDHE:  Luan Baçi: Qeveria po tallet me naftëtarët, u kërkon edhe të mos protestojnë

LEXO EDHE:  Kërcënimi i Bashës: Djegim mandatet nëse qeveria blen deputetët



Une e kam thene publikisht, ne na duhet nje strategji per te gjitha reformat.  Baterite e partise u turren ndaj meje,  eshte nje reagim i ulet nga Partia Demokratike ndaj meje.

Basha : A di ti Oerd nese dikush ne parti ka marre nje propozim, me jep nje vetingun te te jap reformen territoriale?

Bylykbashi : Nese ndodh, eshte nje thike shpine per demokratet.  Eshte pazar i ofruar publikisht.

Aq sa kam thene, nuk ndryshon. Po te them kete gje, po e pranove do demtosh demokratet. Nese per vetingun merr sistemin zgjedhor, mua me ke nga pas.

Basha : Refuzoni cdo ide se na qenka ofruar pazar i ndarjes territoriale per vetingun se eshte nje dem qe i behet demokrateve.”

Me sa duket Bylykbashi përballë Lulzim Bashës është tërhequr nga akuzat e tij./ CNA.al

LEXO TE PLOTE

Politikë

Nesër do të ndizet Kukësi/ Paralajmëron Flamur Noka

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Lideri historik i PD, Sali Berisha, ka paralajmëruar se “Foltorja” e radhës do të jetë, ditën e martë në Kukës.

Gjatë gjithë takimeve me demokratët, një nga përkrahësit e lëvizjes së Berishës, ka qenë dhe deputeti Flamur Noka.

Së fundi Noka, përmes një postimi në rrjetet sociale, ka paralajmëruar takimin e radhës me demokratët e Kukësit, teksa rrjeti është ndezur nga komente.



Demokratët e Kukësit shprehën se janë gati për të pritur liderin historik të PD, Sali Berishën.

LEXO EDHE:  Kryemadhi i përgjigjet direkt Bashës/I paaftë, PD qëndroi në sallë, ja ç’thotë për këshilltarët e LSI

LEXO EDHE:  Mafio-politika e rrënoi Republikën

Doktorin kudo ku ka demokratë të vërtetë e shqiptarë patriotë do ta presin mirë e me përkushtim e padyshim Kukësi e kukësianët e kanë treguar vehten që janë me PD e Doktor Berishën!!!”, shkruan një prej demokratëve në postimin e Nokës.

Kujtojmë se ish kryeministri Berisha ka zhvilluar takime në 7 qytete, Tiranë, Durrës, Fier, Elbasan, Vlorë, Gjirokastër, Shkodër, ndërsa pritet takimi nesër në Kukës dhe më pas në Korçë./ CNA.al

LEXO TE PLOTE

Politikë

Gjashtë pyetje për Ramën/ Tritan Shehu nxjerr zbuluar kryeministrin

Publikuar

-

Nga

cna news, cna lajme, lajme cna, lajme flash cna, cna.al, cna lajme politike

Deputeti i PD, Tritan Shehu ka shtruar gjashtë pyetje për kryeministrin Edi Rama, në lidhje me procesin e vaksinimit.

Sipas tij, Rama sot në vend që të “fshihej” mbas Z. Bourla te Pfizer, duhet të pergjigjet direct për disa shqetësime prezente.

Pse kjo Qeveri humbi shumë muaj duke këmbëngulur se nuk mund të kontraktohej direkt me kompanitë prodhuese, kur neve insistigonim për këtë, gjë që u realizua?

2-Sa është sasia e vaksinave Pfizer të ardhura në Shqipëri deri tashti e sa përqind zënë vaksinat e certifikuara nga EMA në numrin e përgjithshëm të vaksimineve të kryera.

3-Kur do të nderpritet vaksinimi me vaksinat e pasigurta e të pamiratuara nga EMA.

4-Kur do të fillojë ri-vaksinimi i atyre qe u janë aplikuar ato vaksina të pasigurta me ato të miratuara nga EMA, siç është ajo Pfizer?

5-Kur do të ulet mosha e mundësimit të vaksinimit të fëmijëve së pari në 12 vjeç, kur Pfizer e rekomandon prej 5 vjetësh.

6-Kur do të fillojë aplikimi i dozes së tretë të vaksinimit si po veprohet kudo në Europë tashmë?”.

Janë këto pyetjet e shtruar nga Shehu.



Sipas deputetit demokrat, edhe pa këto kërkesa të reja Shqipëria është në vendet e fundit të botës me sasinë e vaksinimit me 31% te popullsisë, kur mesatarja botërore është 41%.

LEXO EDHE:  Nga këshilltarët e Metës, te ish-drejtori i LSI/ Dalin emrat shtesë për KLSH-në

LEXO EDHE:  Këlliçi përgënjeshtron draftmarrëveshjen/ Fake news, e përgatitur nga Endri Fuga

“Akoma më keq me një dominim të plotë të vaksinave të pasigurta kryesisht kineze këto.

Ndërsa Italia ka arritur të vaksinojë mbi 80% të popullsisë me të dyja dozat, Gjermania 85% e kështu me radhë, pa dyshim me vaksina të certifikuara nga EMA.

Rama duhet të sqarojë:

Kur Shqipëria do të arrijë në imunizimin e grupit, pra në 85% të popullsisë të vaksinuar me vaksina të sigurta?

Kur dhe pse nuk po shpallet asnjë kalendar i vaksinimit të popullsisë, siç ndodh kudo ku ka Qeveri të përgjegjshme.

Rama e kjo Qeveri nuk mund të maskojë e zbehë pa përgjegjëshmërinë e saj me një vizitë teknike të drejtuesve të Pfizer.

Pfizer vërtet është një kompani shumë korrekte në realizimin e detyrimeve të saj, gjë e cila veçse nxjerr më shumë në pah e akuzon direkt Qeverinë tonë e Ramën vetë për keqmenaxhim të plotë të pandemisë edhe në procesin e vaksinimit”, shkruan më tej Shehu në rrjete sociale./CNA.al

LEXO TE PLOTE