web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti i internimit/ Kreu i SPAK shërbëtor i diktaturës

20 Dhjetor 2019, 19:21, Politikë CNA

Publikohet procesverbali me firmën e kreut të SPAK, Arben Kraja për ndalimin e bashkëqytetarit të tij Beniamin Bizi në 27 korrik të vitit 1990.

Kreu i SPAK, Arben Kraja arrestonte në vitin 1990 pjesëtarët e lëvizjes antikomuniste të studentëve, me motivacionin “për veprime në kundërshtim me moralin komunist”.
Ky procesverbal u publikua nga Agron Tufa i cili dje tha Kraja, është një ish-hetues i komunizmit.

?Ish Sigurimi komunist i Diktaturës rilindi plotësisht me pushtetin e Edi Ramës dhe Rilindjen. Konfirmimin absolut e shohim me zgjedhjen në krye të SPAK-ut të një ish hetuesi të komunizmit, Arben Kraja. Imagjinoni se me çfarë drejtësie e për çfarë ?krimesh e kriminelësh të komunizmit?, do mund të shqyrtonim ne me hetuesit dhe oficerët operativë grusht bashkuar rreth partisë-nënë!?shkruante Tufa.

Gjithashtu ish-futbollisti i Kombëtares, Roland Luçi ka rrëfyer për herë të parë një histori, sesi ish-hetuesi i diktaturës, Arben Kraja dërgonte në Spaç, ata që shpalleshin si ?tradhëtarë? nga diktatura komuniste.

Luçi thekson se dikur Arben Kraja kishte dërguar të vëllain e tij në Spaç për tentativë arratisje.

?Arben Kraja, një nga speciet e kalçifikuara qe as me 1990 nuk e kuptonte se regjimi të cilit i shërbente kishte marr fund, sot është shefi i SPAK.
Sot ngjarja tingëllon groteske, po dikur ai dërgoi tim vëlla në Spaç për tentativë arratisjeje”, shkruante Luçi.

Kujtojmë se Kraja u zgjodh dje në krye të SPAK i cili filloi punën zyrtarisht ditën e sotme.

Altin Dumani, Arben Kraja dhe Edvin Kondili ishin tre prokurorët që garuan për kreun e SPAK, por në fund ishte Kraja që mori gjashtë votat e nevojshme të anëtarëve të KLP-së për t?u zgjedhur kryetar./CNA.al





Lajmet e fundit nga