LEXO PA REKLAMA!

SHKARKO APP

Grabitje në Korçë/ Autori kërcënoi me thikë 

29 Mars 2019, 08:47, Aktualitet CNA

Një pikë e transfertave të parave është gabitur në orët e para të mëngjesit të sotëm në Korçë.

Mësohet se autori, identiteti i të cilit nuk bëhet i ditur, me thikë në dorë ka hyrë në pikën e transfertave të parave në orën 9:00 dhe ka kërcënuar punonjësen.

Ngjarja ka ndodhur në lagjen 10 të qytetit të Korçës.

Autori, i cili ishte i maskuar, dyshohet se ka marrë një shumë parash, rreth 2500 euro dhe 1 mln lekë të vjetra.

Policia ka mbërritur menjëherë në vendin e ngjarjes, por pa mundur të kapë autorin. Pas dëshmisë së punonjëses policia është vënë në ndjekje të grabitësit.

“Më datë 29.03.2019, në orën 09:00, jemi njoftuar se në lagjen nr 10, një person i maskuar, dyshohet se nën kërcënimin e një mjeti të mprehtë, ka marrë një sasi lekësh pranë një pike transferte parash.

Grupi hetimor po punon për zbardhjen e rrethanave të ngjarjes, identifikimin dhe kapjen e autorit.”-thuhet në njoftimin e polisisë.

Lajmet e fundit nga