Financimet e bujqësisë/ Ish-ministri i Ramës nxjerr "zbuluar" qeverinë

15 Mars 2019, 13:48, Aktualitet CNA

Ish-ministri i Bujqësisë në qeverinë ?Rama 1?, Edmond Panariti ka reaguar ashpër në lidhje me vendimin e qeverisë për të ulur financimet në sektorin e bujqësisë.

Në një deklaratë për mediat, Panariti tha se bujqësia në mënyrë të vazhduar ka marrë nga buxheti i shtetit një sasi parash, e cila ka qenë pesë herë më e vogël nga ç?është financuar ky sektor i rëndësishëm i vendit te fqinjët, te Maqedonia e Veriut dhe në Kosovë.

Sipas Panaritit, praktikisht buxheti i subvencioneve sot në Bujqësi, është rreth 450 milionë lekë, ose e kthyer në euro, rreth 3.5 milionë euro, nga 20 milionë euro që ishte një vit më parë. Pra rreth 6 herë më i ulët.

?Sikur të mos mjaftojnë këto, prodhimi bujqësor sot është ngarkuar me TVSH-në më të lartë në rajon. Në shitje, në dorëzim, produkti ngarkohet me 20% TVSH, e cila tashmë rimbursohet vetëm në masën 6%. Kjo e bën prodhimin bujqësor vendas, jo konkurrues dhe kuptohet që në mënyrë simbolike, fermerët po derdhin qumështin për arsye, sepse praktikisht fabrikat e përpunimit të qumështit nuk e blenë më këtë qumësht, pasi çmimet që i ngarkohen fermerëve, janë çmime qesharake që nuk justifikojnë mundin, djersën dhe sakrificat që ata bëjnë për përpunimin e këtij qumështi.?-deklaroi Panariti.

Gjithashtu ai tha se e njëjta gjë vlen edhe për frutat, për zarzavatet, të cilat vuajnë ashtu si produktet e tjera bujqësore, nga taksa më të larta dhe tatime më të larta në rajon.

?E pa financuar, bujqësi me taksat më të larta në rajon, bujqësi që e punon, frezon dhe e liron tokën me naftën më të shtrenjtë në Europë, ka vetëm një fund: Falimentin dhe një pjesë e madhe e fermave tashmë po mbyllen, fermerët po braktisin fshatin, po tentojnë emigrimin dhe kjo është një dramë e cila po shpaloset çdo ditë e më shumë për bujqësinë vendase.?-deklaroi ish-ministri.

Më tej, ai kërkoi që qeveria në radhë të parë të rikthejë masën e rimbursimit 100% të TVSH-së në pikat e dorëzimit dhe të mos jetë më rimbursimi 6, sikurse ndodh sipas tij.

?Në rast se do të vazhdojmë në këtë trend, fshati do të braktiset, fermerët nuk do të jenë më të interesuar të kultivojnë dhe punojnë tokën. Fabrikat e grumbullimit dhe përpunimit nuk do të marrin prodhimin vendas. Dhe ka filluar një tendencë jashtëzakonisht e keqe që tashmë po importojnë lëndë të parë nga jashtë. Kjo ka çuar në një prishje dhe thellim të bilancit negativ të bujqësisë, e cila tashmë edhe ajo industri agro përpunuese po kthehet në industri fason. Pasi nuk është e interesuar për të blerë lëndën e parë, prodhimet e freskëta të fermës, por i drejtohet importit.

Prandaj bujqësia ndodhet në një emergjencë kombëtare. Nëse nuk ndërhyhet kjo do të ngarkojë në radhë të parë me përgjegjësi qeverisjen aktuale, për braktisjen e fshatit dhe për rrënimin e fermerit.?-tha ndër të tjera Edmond Panariti.