web counter
LEXO PA REKLAMA!

SHKARKO APP

App Store
Google Play

E fundit!

x

Milioneri i gjyqësorit/ Pasi u ther me thikë, rekrutohet nga Partia Socialiste

14 Mars 2019, 10:17, Aktualitet CNA

Në Janar të vitit 2016 opinionin publik, u trondit, pas raportimit për plagosjen e një gjyqtari.

Bëhet fjalë për gjyqtarin Artan Gjermëni, për të cilin u raportua, se ishte paraqitur në spital me plagë në formë therjeje.

Rasti u konfirmua edhe nga bluzat e bardha, të cilët thanë se  gjyqtari Gjermëni ishte paraqitur me traumë shpuese në hapësirën ndërbrinjore, por pa depërtuar në mushkëri, duke saktësuar se  këto plagë ishin tipike si ato që shkaktohen nga armët e ftohta.

Kur kanë kaluar tre vite nga kjo ngjarje, emri i gjyqtari Gjermëni ëhstë lakuar sërish. Por, këtë radhë jo për kronikë të zezë apo për lajmë nga drejtësia, por nga fusha e politikës.

Gjyqtari Artan Gjermëni është kandidati i Partisë Socialistë për Bashkinë e Lushnjës. Për këtë Bashki lakohet dhe një tjetër kandidate, Lindita Buxheli.

CV e Gjermënit, që qenka i preferuari i socialistëve ende është pastruar nga ngjarja, plagosja e vitit 2016.

Kujtojmë se në vendin e ngjarjes, përveç gjurmëve të gjakut, policia gjeti në automjet edhe shumën e 18 mijë e 760 euro, si dhe një shumë prej 285 mijë lekësh të reja.

Për këtë rast, hetimet i kaluan Prokurorisë së Durrësit, e cila vetëm pak kohë më pas dhe konkretisht në muajin  prill të vitit 2016 i mbylli hetimet.

Gjithçka është mbyllur me arsyetimin se Gjermëni, nuk kishte pranuar që kjo çështje të hetohej.

Me këtë argument si dhe me raportin e ekspertëve mjeko-ligjorë për plagë shumë të lehta, Prokuroria e Durrësit ka mbyllur hetimet për  veprën penale të ?Plagosjes së lehtë me dashje?, e referuar nga  policia e Tiranës.

Gjithashtu, e njëjta Prokurori vendosi që të zhbllokojë edhe  shumën e parave 18 mijë e 750 euro dhe 250 mijë lekë të reja, që iu sekuestruan gjyqtarit Artan Gjermeni në makinën e tij tip ?Smart?.

CNA.al po risjell pasurinë e gjyqtarit Artan Gjermënit, i cili njëherësh është dhe një nga kandidatët e Partisë Socialiste për Bashkinë e Lushnjës.

Sipas të dhënave të ILDKPKI-së, gjatë vitit 2016, gjyqtari i Gjykatës së Tiranës, Artan Gjermëni, deklaron katër pasuri të reja të paluajtshme, konkretisht terren sportiv, lokal, tokë bujqësore dhe shtëpi banimi.

Gjithashtu gjyqtari ka deklaruar një shtëpi banimi në Lushnje, me sipërfaqe 74 m2, me dëshmi trashëgimie, 66.6 % të pjesës.

Gjermeni është edhe pronar në masën 100 % i një toke bujqësore, me sipërfaqe 1 856 m2, në fshatin Kutje të Lushnjes, përfituar me dëshmi trashëgimie. Ai deklaron se posedon 20 % të një terreni sportiv, me sipërfaqe 1 092 m2, i mbuluar dhe me dhoma zhveshje.

Po gjatë vitit 2016, gjyqtari është bërë bashkëpronar në masën 20 % i një tjetër pasurie të paluajtshme, ku përfshihen truall me sipërfaqe 450 m2 dhe ndërtesë, bar kafe, 1 kat me sipërfaqe 90 m2.

Në deklaratën e pasurisë nuk të dhëna për vendndodhjen e terrenit sportiv dhe lokalit. Gjyqtari ka gjithashtu në pronësi një dyqan me sipërfaqe 40 m2, në Tiranë, të cilin e ka dhënë me qira si dhe një zyrë në qytetin e Lushnjes, dhënë gjithashtu me qira.

Artan Gjermeni deklaron rreth 370 mijë USD depozita dhe llogari bankare, konkretisht depozitë në vlerën 18 586 203 lekë, depozitë të bashkëshortes, në vlerën 16 537 246 lekë, llogari bankare, shtuar me 3 489 181 lekë në 2016, llogaria e rrjedhëse 1 049 272 lekë etj. Duke përfshirë pagat, të ardhurat nga qiratë, shtesat dhe gjendjet në llogari dhe depozita bankare, shuma arrin mbi 450 mijë USD./CNA.al

Gjyqtari i ?plagosur?/ Pasuria e Artan Gjermenit që kundërshtoi hetimet

Plagosja me thikë/ Gjenden 20 mijë euro në makinën e gjyqtarit Artan Gjermeni

Plagosja e Artan Gjermenit/ Dyshime nëse ishte aksidentale

Plagoset me thikë gjyqtari Artan Gjermeni





Lajmet e fundit nga