Connect with Us

Rama me qeveri teknikësh dhe ish-oficerët e Berishës/ Opozita drejt protestës

Aktualitet

Rama me qeveri teknikësh dhe ish-oficerët e Berishës/ Opozita drejt protestës

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Kryeministri Rama pas protestave të studentëve dhe qëndrimit të opozitës, megjithëse kjo e fundit pas një bojkoti disa muaj u rikthye në Kuvend dhe u dorëzua pa kushte, ka bërë menjëherë lëvizjet e tij, ndoshta edhe për të shmangur një skenar të ngjashëm si ajo e çadrës nga PD-ja, LSI-ja dhe tashmë e shtuar edhe PDIU-ja e Shpëtim Idrizit.

Kryeministri thuajse ka një qeveri të plotë teknicienësh, ku spikasin vetëm dy politikanë karriere, njëri është Pandeli Majko dhe tjetri është Erjon Braçe. Pjesa tjetër e kabinetit qeveritar, pra rreth 80% e kabinetit janë teknicienë apo njerëz të panjohur dhe pa kontribute politike në PS. Janë njerëz pa një figurë, e cila të dilte nga baza e PS-së apo e mbështetur prej tyre.

Janë thjeshtë njerëz që kanë punuar pranë Edi Ramës, që kanë studiuar jashtë, apo si në rastin e ministrit të Jashtëm dhe asaj të Arsimit, që janë nga Kosova.

Paralel me emërime teknicienësh, të cilat Rama i ka bërë edhe më parë, po bëhen ndryshime edhe në Policinë e Shtetit. Në Polici janë rikthyer dy nga ikonat e kohës së Berishës, të cilët janë Muhamet Rrumbullaku dhe Tonin Vocaj, ky i fundit mori detyrën që ka pasur në kohën e Berishës, ndërsa Muhamet Rrumbullaku mori detyrën e kreut të SHÇBA-së.

Me lëvizjet e fundit, Edi Rama po tregon se po tenton të pengojë një tjetër “çadër” si ajo e PD-së apo një destabilizim të mundshëm që mund të përpiqet të krijojë opozita.

Ashtu sikurse ndodhi në vitin 2017, kur Lulzim Basha i çoi një grup teknikësh dhe i futi në qeveri, Edi Rama mori sërish një grup teknikësh, por këtë herë ju dha atyre mbështetjen e tij politike.

Nga ana tjetër në 2017-ën u fol se në tavolinë, kryeministri Rama i kishte lënë në dorë Lulzim Bashës edhe Drejtorin e Përgjithshëm të Policisë dhe drejtorët e qarqeve, për të kontrolluar zgjedhjet.

LEXO EDHE:  Refuzimi i ofertës serbe për Telekomin/ Berisha zbardh prapaskenat

Tani, duke mos pasur një marrëveshje publike me Lulzim Bashën, Edi Rama po bën lëvizjet e tij. Rikthen në detyrë për marrëveshjen ose jo me Lulzim Bashën,  ish-oficerë policie të kohës së Berishës dhe nga ana tjetër pritet që të ketë lëvizje të forta në drejtoritë e policisë së qarqeve, ku ka pasur kontestime nga PD-ja apo ka pasur situata problematike me krimin. Dhe do të ketë rikthim oficerësh sërish nga ata që kanë punuar në kohën e PD-së, por edhe të tjerë që kanë qënë me Saimir Tahirin.

Kjo tregon se kryeministri po kujdeset jo pak për Policinë e Shtetit. Nga ana tjetër hoqi edhe një pjesë të ministrave më të sulmuar të kabinetit siç janë Lindita Nikolla, Damian Gjiknuri, Arben Ahmetaj apo Ditmir Bushati dhe tani po përpiqet ti heqë opozitës edhe armën e sulmit ndaj Policisë së Shtetit.

Këto janë dy lëvizjet e forta të kryeministrit, i cili po përgatitet të shkojë në zgjedhje me qeveri teknicienësh dhe me ish-oficerët e qeverisë së Berishës, me të cilët ka bashkëpunuar edhe vetë Lulzim Basha, në kohën kur ky i fundit ishte ministër i Brendshëm.

Tashmë nga ana tjetër pritet edhe reagimi i opozitës, e cila po bëntë gati një “çadër” tjetër me lëvizjet e saj, por duket se lëvizjet e kryeministrit e kanë kapur të papërgatitur opozitën.

Mësohet se edhe PD-ja dhe LSI-ja po bëjnë gati një protestë të madhe, por ende nuk është bërë i ditur skenari i saj./ CNA.al

Ekskluzive–Emërimi suprizë/ Muhamet Rrumbullaku në krye të SHÇBA-së

Ndryshime në kupolën e Policisë së Shtetit/ Emërimet e reja

CNA.al e paralajmëroi/ E premte e “zezë” për qeverinë

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Adresa juaj email nuk do të bëhet publike. Fushat e domosdoshme shënohen *

Aktualitet

Rama thirrje për njohjen e Kosovës/ Vetëm maturia do të lejojë Serbinë të heq barrën e së shkuarës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Kryeministri Edi Rama ka mbajtur mbrëmjen e sotme fjalimin e tij në mbledhjen e Asamblesë së OKB.

Kryeministri Rama i ka bërë ftesë vendeve të OKB-së për njohjen e pavarësisë së Kosovës. Ai është shprehur se mbështet si rrugë të vetme dialogun Kosovë-Serbi.



“Nuk është obsesion, është test për të njohur realitet e reja në zemër të Evropës, kur një shtet i ri lindi. Kjo punë duhet të përfundojë dhe realiteti na ka treguar ne ballkanasve, por edhe të Evropës se Kosova e pavarur, sovrane vazhdon prej 13 vjetësh. 

Shqipëria mbështet si alternativë te vetme, dialogun Kosovë-Serbi. Vetëm maturia, kuraja dhe vizioni do ta lejojnë më në fund Serbinë te heq barrën e të shkuarës”, thotë Rama./ CNA.al

LEXO TE PLOTE

Politikë

“Pabarazi në qasjen e vaksinave”/ Rama në OKB: Duhet një traktat i ri ndërkombëtar për përballimin e pandemive

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Kryeministri Edi Rama ka mbajtur fjalimin e tij në mbledhjen e Asamblesë së OKB, ku ka evidentuar disa prej sfidave me të cilat është përballur bota dhe Shqipëria sëfundmi. Në fjalën e tij, Rama ka falenderuar të gjithë vendet që ndihmuan Shqipërinë në periudhën më të vështirë të pandemisë.

Kryeministri theksoi se më shumë se gjysma e popullsisë shqiptare është vaksinuar dhe se pritet që në 10 muajt e ardhshëm të vaksinohet edhe pjesa tjetër e popullsisë.

Gjithashtu Rama është shprehur se mbështet propozimin për një traktat të ri ndërkombëtar për përballimin e pandemive përmes bashkëpunimit.



Sot kemi më shumë se gjysmën e popullsisë shqiptare të vaksinuar dhe presim të kemi të kemi të gjithë popullsinë e vaksinuar gjatë 10 muajve të ardhshëm. Pa bashkëpunim kostoja do të jetë më e lartë. Kjo është arsyeja pse vjet mjekët shqiptarë shkuan në Lombardi dhe në këmbim pritëm mjekët italian në shtëpinë tonë. Falenderoj ata që na janë gjendur të na ndihmojnë, Turqinë. KE që luftoi për të përshpejtuar ofrimin e vaksinave, Kroacisë, Letonisë që na u gjendën me vaksina.

Pabarazia në qasjen e vaksinës ka nxjerrë në pah një qasje të ndryshme për nismat globale, Kjo është arsyeja pse vazhdojmë të jemi avokat për një traktat të ri ndërkombëtar për reagimin ndaj pandemive, Është e nevojshme të përmirësojmë qasjen ndaj vaksinave sepse ata që nuk janë ta pavaksinuar rrezikohen. Eksperienca e gjatë dhe e fortë e OKB nëse na ka mësuar diçka është se sfidat kërkojnë kontributin e të gjithëve”, ka thënë ndër të tjera Rama./ CNA.al

LEXO TE PLOTE

Aktualitet

“Hapet aksi kryesor”/ ARRSH njofton qytetarët: Nga 26 shtatori sërish devijime të trafikut

Publikuar

-

Nga

cna lajme aktuale

Nga data 26 shtator, në Unazën e Madhe do të hapet aksi rrugor nga “Ura e Lanës” deri te “Pallati me Shigjeta”.

Lajmi bëhet i ditur nga Autoriteti Rrugor Shqiptar, i cili ka njoftuar se nga kjo ditë do të ketë sërish devijime të qarkullimit të automjeteve.

Automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2.

Për automjetet që do të kenë destinacion Yzberishtin, Bulevardin “Migjeni”, “Kombinatin” për një periudhë 2-javore nuk do të kenë ndryshime në qarkullim.



Njoftimi i plotë:

Hapet për qarkullimin e mjeteve aksi kryesor nga Ura e Lanës deri te Pallati me Shigjeta

Duke filluar nga orët e para të mëngjesit të datës 26.09.2021 automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2, duke shmangur kështu rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta”.

Për automjetet që do të kenë destinacion Yzberishtin, Bulevardin “Migjeni”, “Kombinatin” për një periudhë 2-javore nuk do të kenë ndryshime në qarkullim, pas kësaj periudhe, do të kanalizohen në rrugën e re paralele të krahut të djathtë./ CNA.al

LEXO TE PLOTE