Kush e paguan Bashën?/ Opozita nuk çon në Gjykatën Kushtetuese, Ligjin e Arsimit të Lartë

6 Maj 2016, 08:35, Aktualitet CNA

Gjashtë muaj më parë, Partia Demokratike dhe kreu i saj Lulzim Basha, deklaruan se do ta dërgojnë në Gjykatë Kushtetuese ligjin për arsimin e lartë. Citynews komunikoi në nëntor të vitit 2015 me zyrtarë të Partisë Demokratike të cilët theksuan se në javën e parë të dhjetorit 2016, opozita do t?i drejtohej gjykatës Kushtetuese për të kërkuar pavlefshmërinë e ligjit për arsimin e lartë.

Sot, opozita dhe kreu demokrat Lulzim Basha duken shumë larg deklaratave të dhjetorit. Në një prej protestave të opozitës Lulzim Basha, u shpreh se do ta shfuqizojë ligjin për arsimin e lartë menjëherë pas ardhjes te PD në pushtet, por a mjafton ky qëndrim për të bindur qytetarët se vetë Basha nuk është peng i këtij ligji?

Në fakt, opozita dhe kreu i saj, Lulzim Basha, duhet ta kishin dërguar me kohë në Gjykatën Kushtetuese Ligjin për Arsimin e Lartë, ashtu siç u veprua me ligjin për pronat. Ndoshta, gjykata do ta rrëzojë kërkesën për të shfuqizuar ligjin, por në sytë e qytetarëve do të përcillet besimi se opozita është e pozicionuar kundër këtij ligji dhe nuk është pëng i interesave të universiteteve private.

Kush e paguan Bashën?

Ish- kryeministri i vendit, Sali Berisha tha gjatë një fjalimi në parlament se dy pronarë universitetesh, të cilët zotërojnë edhe media të njohura në vend, i kane ofruar para opozitës për të miratuar ligjin e Arsimit të Lartë. Pronarë universitetesh, njëkohësisht edhe pronarë mediash, njihen Henri Çili i UET dhe Irfan Hysenbelliu i Luarasit, miq të ngushtë të Lulzim Bashës, sot I dyti duket të jetë më larg.

Citynews ka shkruar edhe më herët në lidhje me bllokimin nga ana e Lulzim Bashës që ligjin e arsimit të lartë të shkojë në Kushtetuese. Do vazhdojmë të denoncojmë qëndrimin e PD-së dhe të vërtetën prej saj pa u ndalur. Askush nuk mund të mos dyshojë se Lulzim Basha është paguar që të mos çojë ligjin në Kushtetuese. Sali Berisha akuzoi se pagesa do bëhej për miratimin e ligjit, por kjo mund të jetë marë edhe për mos çuarjen e tij në Gjykatën Kushtetuese.

Kreu demokrat Basha duhet të reagojë, ta dërgojë në Kushtetuese, ose të pranojë si korruptim apo shitje të tij dhe opozitës tek pronarët e universiteteve./citynews