Kredi dhe një apartament/ Pasuria modeste e Gledis Nanos

29 Qershor 2022, 10:45, Vetingu CNA
Kredi dhe një apartament/ Pasuria modeste e Gledis Nanos
Drejtori i Përgjithshëm i Policisë, Gledis Nano

Gledis Nano mori postin e Drejtorit të Përgjithshëm të Policisë së Shtetit, në Tetor të vitit 2021.

Nano ka marrë një sërë vlerësimesh për punën e tij të mëparshme si agjent dhe si drejtues i anti-terrorit.

Në aspektin e pasurisë, sipas të dhënave të Open Spending Albania, rezulton se Gledis Nano ka në pronësi një apartament të blerë në vitin 1995, me një sipërfaqe prej 78.9 m2, ku zotëron pjesë në masën 25 %.

Gjithashtu rezulton se Nano është pronar i 1/7  të disa sipërfaqeve të tokave, pronë për të cilën ka kontratë me një firmë ndërtimi. 

Në total Nano, deklaron 2 burime të ardhurash, pagën e tij dhe të bashkëshortes,  1 apartament, para cash në banesë në vlerën e 1.5 milionë lekë, 2 makina, por edhe një kredi me vlerë 1 000 000 lekë.

Më poshtë po sjellim pasurinë e tundshme dhe të patundshme të deklaruar nga numri një i Policisë, Gledis Nano deri në vitin 2020.

Kredi dhe një apartament/ Pasuria modeste e Gledis Nanos

Viti 2016 (Deklarata fillestare)

Apartament banimi 78.9 m2 blerë në vitin 1995 me vlerë 1 700 000 lekë, përfituar nga privatizimi në qytetin e Elbasanit.

Automjet Toyota blerë në vitin 2015 me vlerë 5 500 euro.

Kontratë sipërmarrje nënshkruar me 6.09.2012 për vënien në dispozicion të shoqërisë ndërtuese “2AL”, për të përfituar 31.5 % të ndërtimit.

Automjet tip Scoda blerë në vitin 2016 me vlerë 16 655 euro.

Automjet tip Ford Focus blerë nga babai në vitin 2014, me vlerë 2 500 euro.

Gjendje cash ne banesë në shumën 1 400 000 lekë.

Bizhu të ndryshme të trashëguara nga paraardhësit e bashkëshortes, të pavlerësuara.

Viti 2016 (Deklarata vjetore)

Shitur automjeti Scoda në shumën 16 655 euro.

Blerë automjet Mercedez me vlerë 2 900 euro.

Viti 2017

Shitur automjeti Toyota me vlerë 5 500 euro.

Shitur automjet Mercedez Benz me vlerë 980 000 lekë.

Kredi konsumatore në emër të bashkëshortes për rikonstruksionin e banesës së prindërve të bashkëshortes në shumën 1 000 000 lekë.

Depozitë bankare në emër të vëllait në shumën 5 000 euro. Burimi: nga shitja e automjetit dhe dhënë hua vëllait.

Viti 2018

Blerë automjet nga vëllai në shumën 1 000 euro.

Blerë automjet Volvo në emër të vëllait në shumën 10 500 euro.

Zgjidhja e kontratës me kompaninë ndërtuese për dhënien e sipërfaqes për ndërtim, nënshkruar në vitin 2012.

Viti 2019

Gjendje llogarie në shumën 2 100 000 lekë.

Viti 2020

Depozitë bankare, në shumën 13 000 euro.

Kontratë sipërmarrje nënshkruar me një kompani ndërtimi për sipërfaqe 6 750 m2 me pjesë takuese 32 %.

Gjendje cash, 900 000 lekë.

Vijon shlyerja e kredisë konsumatore prej 1 000 000 lekë, Detyrimi është 432  930 48 lekë./CNA.al

Lajmet e fundit nga