Patundshmëri në tri qytete dhe të ardhura nga TAP-i/ Kreu i SHISH-it me dy emra shumëfishon pasurinë

24 Qershor 2022, 12:27, Vetingu CNA

Patundshmëri në tri qytete dhe të ardhura nga TAP-i/ Kreu i

Kreu i Shërbimit Informativ Shtetëror, Helidon Bendo

Helidon Bendo që prej rreth pesë vitesh drejton Shërbimin Informativ Shtetëror.

Bendo shkoi në krye të SHISH, pas shkarkimit të Visho Ajazit. Ishte Kryeministri Edi Rama, që e propozoi për të udhëhequr SHISH-in, ndërkohë që ai ishte pjesë e tij.

SHISH, institucioni që drejton Bendo, dyshohet se është bërë pjesë e skandalit për pajisjen me certifikatë sigurie për Xhuljana Dumanin, motrën e vrasësit serial Nuredin Dumani.

Nga SHISH deri më tani nuk ka pasur një reagim për këtë skandal, nëse është pyetur apo jo nga DSIK, mbi Xhuljana Dumanin.

Po kush është Helidon Bendo që drejton SHISH-in, që ka për detyrë të ruajë sigurinë kombëtare?

Kreu i SHISH, me dy emra

Kreu i SHISH është prezantuar dhe emëruar me emrin Helidon Bendo. Por ai ka dhe një emër të dytë. Identiteti i tij i dytë është Johan Bendo.

Kështu ka deklaruar Bendo në formularët e dekriminalizimit.

Në formular ai shkruan se Johan është emri i pagëzimit dhe se këtë emër e ka përdorur gjatë qëndrimit të tij në Greqi nga korriku i 1991-shit deri në nëntor 1993 si emigrant.

Formulari i dekriminalizimit

Nga ana tjetër, kreu i SHISH, Helidon Bendo, sa i përket pasurisë ndjek nga pas gjyqtarët, prokurorët dhe politikanët.

CNA.al ka bërë një vëzhgim të pasurisë së kreut të SHISH, nga viti 2006 deri në vitin 2020, sipas të dhënave të "Open Spending Albania".

Patundshmëri dhe bono thesari

Në deklaratën fillestare të vitit 2006 ai thotë se posedon një shtëpi dykatëshe me sipërfaqe ndërtimi 130 m2 dhe të truallit me sipërfaqe 514 m2. Shtëpia që ka vlerën 4 200 000 lekë, është ndërtuar në vitin 2003.

Patundshmëri në tri qytete dhe të ardhura nga TAP-i/ Kreu i

Gjithashtu ai deklaron se ka edhe një kredi 1 200 000 lekë për përfundim punimesh të ndërtimit të një banese në Korçë.

Patundshmëri në tri qytete dhe të ardhura nga TAP-i/ Kreu i

Në vitin 2007 ai deklaron pagat dhe blerjen e një bono thesari në vlerë 500 000 lekë me afat maturimi 12-mujor nga bashkëshortja.

Ndërsa në vitin 2008 e ka shtuar pasurinë me një apartament banimi me sipërfaqe 105.9 m2 në Tiranë, me vlerë 8 500 000 lekë.

Në vitin 2010 ka përfituar 5 500 000 lekë nga shitja me kontratë noteriale e datës 31.03.10 e banesës në Turan, rrethi Korçë. Gjithashtu rezulton se ka një detyrim prej 1 400 eurosh si tarifë për studime Master të Nivelit të Dytë në “Studime mbi Sigurinë” pranë Universitetit UFO, tarifë e cila do të shlyhet brenda vitit 2011.

Në vitin 2011 nuk ka shtuar pasuri, ndërsa në vitin 2012, zonja Bendo ka marrë një kredi me principal 400 000 lekë, me qëllim mobilim shtëpie.

Në vitet 2013, 2014 dhe 2015 nuk ka shtim të pasurisë së paluajtshme, ndërsa në vitin 2016 ka përfituar në formë trashëgimie, një të tretën pjesë të pasurisë prej 10 141 m2 tokë arë në rrethin Korçë e ndarë në katër ngastra si dhe (një e treta) e një shtëpie dykatëshe në Korçë (fshat) me sipërfaqe kati prej 110 m2 , sipërfaqe totale me oborr 265 m2 e hipotekuar.

Në të njëjtin vit, bashkëshortët Bendo kanë paguar 10 000 euro ndaj një shoqërie ndërtuese, sipas Kontratës së Porosisë së datës 23.05.2016 për apartament tip garsionere me sipërfaqe 32.9 m2, sipërfaqe e përbashkët 6.1 m2, sipërfaqe totale 39 m2 në Ishullin Shëngjin, Lezhë.

Të ardhurat, sipas Bendos, janë formuar nga kursime familjare, nga kthimi i huasë prej 1 500 eurosh dhe nga dhënia e një sipërfaqeje toke kompanisë së ndërtimit të Gazsjellësit TAP.

Patundshmëri në tri qytete dhe të ardhura nga TAP-i/ Kreu i

Ndërsa në vitin 2017 ka deklaruar të ardhurat e tij nga puna dhe të ardhurat e bashkëshortes me vlerë 357 000 lekë nga paga dhe shpërblime si asistente drejtuese operacionesh në BKT, periudha janar-prill 2017, të ardhura neto me vlerë 1 020 000 lekë nga paga dhe shpërblime si përgjegjëse operacionale pranë "FED Invest sh.p.k.", periudha janar-maj 2017, të ardhura neto me vlerë 38 093 lekë nga interesat e Bonove të Thesarit me maturim 1-vjeçar, me vlerë 2 000 000 lekë dhe datë emetimi 11.05.2017.

Në vitin 2018 nuk ka shtim të pasurisë, ndërsa në vitin 2019, deklaron shtesa në llogaritë bankare dhe të ardhurat nga puna e tij dhe e bashkëshortes.

Edhe në deklaratën e pasurisë të vitit 2020, nuk ka shtuar patundshmëri, përveçse, një transaksion financiar, bono thesari në emër të bashkëshortes me vlerë 1 850 000 lekë./CNA.al