E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Shtëpi me kredi, dy makina dhe mijëra euro borxh prindërve/ Prokurori Arben Sharra përballet me Vettingun

24 Qershor 2022, 09:40, Vetingu CNA

Shtëpi me kredi, dy makina dhe mijëra euro borxh prindërve/

Prokuroria e Rrethit Gjyqësor, Durrës

Prokurori i Durrësit, Arben Sharra, përballet nesër me Vettingun. Dosja e tij është në duar të trupës gjykuese të përbërë nga Lulzim Hamitaj, Suela Zhegu dhe Genta Tafa Bungo.

Sharra, i cili më herët ka punuar në Tiranë, nuk është i lakuar negativisht në aspektin profesional.

Ndërsa në lidhje me kriterin e pasurisë, prokurori Arben Sharra deklaron se burime të ardhurash ka pagën e tij dhe të bashkëshortes, si dhe të ardhurat nga shfrytëzimi i tokës bujqësorë në Kodër-Kamëz.

Në deklaratën fillestare të pasurisë, atë të vitit 2003, Sharra deklaron një shtëpi private me sipërfaqe 90 m2, dhuruar nga babai, një automjet "Benz", 2 000 euro dhe të ardhurat si prokuror, në vlerën 0,44 milion lekë.

Prokurori Sharra gjithashtu rezulton pronar i dy automjeteve që kanë kushtuar 5 500 euro dhe 7000 euro, një apartament banimi me sipërfaqe 128.1 m2, me vlerë 94 830 euro, një garazh me sipërfaqe 45 m2 me vlerë 11 000 euro.

Ai thotë se ka shitur një banesë 25 000 euro, por nuk e specifikon, pasi një pronë e tillë nuk rezulton më herët në deklarimet e tij.

Për të blerë apartamentin me sipërfaqe 128 .1 m2 ai deklaron se ka marrë kredi. Edhe blerjen e garazhit e justifikon me borxhe.

Fillimisht thotë se ka marrë 4 000 euro nga babai e në deklarimin e radhës shton dhe një hua tjetër prej 1 000 000 eurosh.
Për banesën e dhuruar nga babai me vendndodhje në Kodër-Kamëz, ai deklaron se e ka shitur dhe i ka marrë paratë në dy pjesë paradhënie.
Në vitin 2014 ai ka marrë 20 000 euro dhe në vitin 2015, 30 000 euro.

Në vitin 2016 deklaron të ardhura si prokuror, në shumën 1 170 841 lekë, të ardhura nga shfrytëzimi i një toke bujqësore, 200 000 lekë.
Gjithashtu deklaron detyrime për blerje apartamenti në shumën 13 915 euro dhe për blerje garazhi në shumën 1000 euro, si dhe një hua marrë babait, në shumën 4 000 euro.

Të njëjtat detyrime, sigurisht të pakësuara, janë në vitet 2017 dhe 2018. Ajo që bie në sy është se nuk ka ndryshuar huaja prej 4 000 eurosh marrë babait dhe i është shtuar huaja prej 5 500 eurosh ndaj nënës./CNA.al