I akuzuar për vepra korruptive/ KPK shkarkon nga detyra gjyqtarin e Tiranës

28 Qershor 2022, 10:07, Vetingu CNA
I akuzuar për vepra korruptive/ KPK shkarkon nga detyra gjyqtarin e
Foto ilustruese, KPK

Komisioni i Pavarur i Kualifikimit ka shkakrkuar nga detyra gjyqtarin e Gjykatës së Tiranës Altin Abdiu, djali i Fehmi Abdiut që ka qenë kreu i Gjykatës Kushtetuese.

Altin Abdiu është hetuar në tre kriteret nga trupa gjykuese Suela Zhegu, Roland Ilia, Pamela Qirko.

Abdiu është akuzuar për vepra korruptive, ku ka favorizuar individë të veçantë për të përvetësuar prona.

Gjyqtari i Gjykatës së Tiranës, Altin Abdiu u përball të premten në Komisionin e Pavarur të Kualifikimit, KPK me barrë prove dhe pyetje për transaksionet e pasurive ku rezulton bashkëpronar me familjarët, si dhe me mungesë burimesh për krijimin e një pjese të tyre.

Abdiu u mbrojt me argumentin se veprimet për pasuritë e paluajtshme janë kryer nga prindërit, si dhe janë krijuar prej tyre. Nga sa u deklarua në seancë, u mësua se gjyqtari Altin Abdiu është djali i ish-kyetarit të Gjykatës Kushtetuese Fehmi Abdiu.

Subjekti i kundërshtoi edhe balancat negative për blerjen e një makine dhe krijimin e dy depozitave.

Hetimi administrativ për Abdiun është përfunduar në të tre kriteret e rivlërësimit, pasurisë, pastërtisë së figurës dhe profesionalizmit. Nga sa u relatua në seancë, Abdiut i është kaluar barrë prove për transaksionet në shkëmbimin e apartamenteve të mëparshëm që ka zotëruar ai dhe familjarët me dy apartamente të rinj, një vilë dy kate në një fshat turistik në Golem, për një automjet tip Benz të blerë në më pak se gjysmën e çmimit që kishte paguar shitësi, si dhe për burimet e dy depozitave bankare./CNA.al

Lajmet e fundit nga