E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

85 vjeç dhe në superformë/ Jane Fonda zbulon “sekretin” e saj të bukurisë

22 Mars 2023, 14:07, Trending CNA

85 vjeç dhe në superformë/ Jane Fonda zbulon

Foto ilustruese

Herë pas here, personazhet e famshme vendosin të zbulojnë sekretet e tyre të bukurisë, ato sekrete bukurie që i bëjnë ata të shkëlqejnë në tapetin e kuq dhe në jetën e përditshme.

Disa zgjedhin Spa mjekësore për një muaj, disa tentojnë të mbajnë linjat duke përdorur receta me produkte natyrale të ndryshme për të humbur peshë dhe për të qëndruar në formë, dhe ka nga ata që thjesht fokusohen te hidratimi duke pirë shumë ujë.

Jane Fonda kurrë nuk i ka mbajtur të fshehta zakonet e saj të bukurisë dhe mirëqenies, si dhe për shëndetin e saj. Ylli i fitnesit foli për diagnozën e saj të kancerit të limfomës jo-Hodgkin dhe vazhdon të flasë për rëndësinë e përqafimit të plakjes, duke deklaruar se ajo kurrë nuk është dukur më mirë se sot në moshën 85-vjeçare, por edhe duke shpjeguar se si kujdeset për lëkurën dhe trupin e saj.

Por zbulimi i saj më i madh dhe më i sinqertë ishte ajo që tha një natë tjetër në Nju Jork, përpara se të hynte në studiot e "The Late Show with Stephen Colbert", ku ishte ftuar me Lily Tomlin, me të cilën luajti në filmin Moving On.

E veshur në të zeza me pantallona dhe xhaketë, me flokët e saj të shkurtër gri me shkëlqim dhe një grim të freskët në nuancat rozë, Jane Fonda i është përgjigjur pyetjes së gazetares së "TMZ", e cila e pyeti se cili ishte sekreti i saj i rinisë, që dukej kaq e re edhe pse në moshën 85-vjeçare.

Jane Fonda me një ton ironik dhe të guximshëm u përgjigj: "Të kesh gjene të mira dhe shumë para".

Të investohet në trajtime estetike dhe kirurgjikale, në takime me facialistin, në seancat me trajnerin personal, në kremrat e shtrenjë. Me pak fjalë, Fonda pranon se për të qëndruar i ri duhet të investosh shumë para.

Dhe është një zbulim kaq i sinqertë, saqë tejkalon çdo sekret tjetër bukurie të yjeve të tjerë. Një ndershmëri që të kujton disi atë meme që qarkullon "Ti nuk je e shëmtuar, thjesht je e varfër" dhe sado përçmuese dhe pak arrogante të jetë, pavarësisht ironisë që karakterizon gjithmonë Jane Fonda, ndoshta është pranimi më i vërtetë që mund të dëgjonim ndonjëherë nga një personazh i njohur.