web counter
LEXO PA REKLAMA!

SHKARKO APP

App Store
Google Play

Fitorja ndaj Kukësit/ Gvozdenoviç: Nga nesër fillon stresi, kemi ndeshjen e fortë me Erzenin

11 Shkurt 2024, 20:30, Sport CNA
Fitorja ndaj Kukësit/ Gvozdenoviç: Nga nesër fillon stresi,
Iva Gvozdanovic

Trajneri i Skënderbeut Ivan Gvozdenovic ka komentuar lojën e luajtuar sot ndaj  Kukësit.

Trajneri është hsprehur për CNA se loja u zhvillua në kushte të vështira, për shkak të shiut, të ftohit dhe gjendje jo të mirë të fushës.

Më tej shtoi se kjo e sotmja ishte një ndeshje lufte për topin dhe se ndidhen të kënaqur edhe me tre pikëshin që morën.

Trajneri thekson se stresi fillon nga nesër pasi duhet të përgatiten për një ndeshje shumë të fortë me Erzenin.  

“Nuk do flas për lojë sepse fusha nuk ishte perfekt, ishte ftohtë dhe me shi. Ishte një fitore shumë e rëndësishme, çunat treguan karakter. Ishte një ndeshje lufte për topin, duhej goditje standarte. Jemi kënaqur me fitoren dhe tre pikët, kemi edhe fazën e katërt dhe kishim shumë nevojë për këto pikë. Ishim të stresuar pas ndeshjes me Teutën, u them bravo djemve, e meritojnë. Shaqja ishte problem, sepse s'kishim gati Zenunllarin, dhe ngelëm me një lojtar nga krahu majtas, Kosta bëri punë të mirë djathtas. Jemi pak më qetë, por nga nesër fillon stresi dhe mendimet për javën tjetër, pasi kemi ndeshje të fortë me Erzenin jashtë. Pas fitores gjithmonë jemi me gjendje pozitive, dhe kjo është edhe sot”, u shpreh trajneri.

Kujtojmë se ndeshja përfundoi me rezultatin 1-0 për Skënderbeun. Kjo fitore, e dërgon Skënderbeun në kuotën e 28 pikëve në vendin e shtatë, ndërsa Kukësi mbetet i fundit me 19 pikë./ CNA





Lajmet e fundit nga