web counter
LEXO PA REKLAMA!

SHKARKO APP

App Store
Google Play

Dopieta e Mbappe dhe Dembele, Franca kualifikohet pas ndeshjes që zgjati rreth 4 orë

23 Qershor 2026, 02:55, Sport CNA

Dopieta e Mbappe dhe Dembele, Franca kualifikohet pas ndeshjes që zgjati

Kombëtarja e Francës ka siguruar kualifikimin për në fazën e eliminimit direkt të Kampionatit Botëror, pasi mposhti Irakun me rezultatin e thellë 3-0 në ndeshjen e vlefshme për Grupin I.

Takimi u karakterizua nga një ndërprerje e gjatë prej 2 orësh, për shkak të kushteve të vështira atmosferike. Skuadra e drejtuar nga Didier Deshamp dominoi që në fillim dhe gjeti golin e avantazhit në minutën e 15-të përmes sulmuesit Kylian Mbappe, i cili priti një pasim nga Olise dhe shënoi një supergol nga jashtë zone.

Pavarësisht avantazhit të hershëm të Francës, përfaqësuesja e Irakut u organizua në fazën defensive duke parandaluar gola të tjerë gjatë pjesës së parë. Mbape tentoi përsëri nga një distancë prej 40 metrash, por pa gjetur kuadratin e portierit Ahmed Basil. Gjatë minutave të fundit të fraksionit të parë, një stuhi e fortë dhe rrebesh shiu përfshinë stadiumin. Ky mot i rënduar detyroi zyrtarët e ndeshjes që të shtynin rinisjen e pjesës së dytë për rreth dy orë, derisa fusha të plotësonte kushtet minimale për lojë.

Pas rinisjes së takimit, Franca përfitoi nga një gabim i rëndë në prapavijën e Irakut për të dyfishuar shifrat. Gjatë një rinisjeje të lojës nga portieri, lojtari Ahmed Kasem kreu një pasim të gabuar prapa, i cili u ndërpre nga Ousman Dembele. Ky i fundit asistoi menjëherë për Mbappe, i cili e shtyu topin në rrjetën e zbrazur, duke shënuar golin e tij të 16-të në po aq ndeshje të luajtura në historinë e tij në Kupat e Botës.

Franca mbajti kontrollin total të lojës në minutat e mbetura, ku Olise goditi traversën me një gjuajtje të harkuar. Rezultati përfundimtar 3-0 u vulos nga Dembele, i cili shënoi golin e tij të parë në një turne madhor ndërkombëtar pas një aksioni të nisur sërish nga Olise.

Me këtë fitore, Franca kalon zyrtarisht në fazën tjetër, ndërsa Iraku do të luajë ndeshjen vendimtare të premten kundër Senegalit, ku i nevojitet vetëm fitorja për të shpresuar te kualifikimi.





Lajmet e fundit nga