LEXO PA REKLAMA!

SHKARKO APP

Vlora pa korsi emergjence, ambulancat udhëtojnë me pacientë në mes të trafikut

19 Gusht 2022, 11:59, Sociale CNA
Vlora pa korsi emergjence, ambulancat udhëtojnë me pacientë
Ambulanca në qytetin e Vlorës

Në qytetin e Vlorës, mungesa e korsive të emergjencës për ambulancat rrezikon jetën e banorëve që kërkojnë ndihmë mjekësore.

E shndërruar tashmë në vend parkimi dhe “shëtitore” banorët thonë se projekti ishte që në fillim i dështuar.

“Këtu nuk kalon dot një makinë se bën aksident, kështu që kjo është burim aksidentesh. Rrezikshmëri. Ambulanca nuk kalon te kjo rrugë. Kjo rrugë nuk është përdorur fare për urgjencën”, shprehen disa qytetarë.

Në këto kushte, ambulancat duhet të qarkullojnë mes mjeteve të tjera, në rrugën tepër të ngushtë dhe me fluks të lartë qarkullimi.

Të pyetur nga "Euronews Albania", ish-specialistë në Bashkinë e Vlorës jashtë kamerave thanë se projekti ishte i pamenduar mirë qysh në nisje, për shkak të ngushtimit të trotuareve dhe të mosprojektimit funksional të korsisë.

Ndërkohë, në qytetin e Vlorës asnjë nga projektet e reja nuk parashikon korsi emergjence dhe në kushtet e sezonit veror dhe trafikut të rënduar, ambulancat janë të detyruara të mbajnë radhën mes automjeteve te shumta në qytet, duke rrezikuar kështu jetën e qytetarëve që kërkojnë ndihmën mjekësore./Euronews

Lajmet e fundit nga