web counter
LEXO PA REKLAMA!

SHKARKO APP

App Store
Google Play

E fundit!

x

I ftohti siberian “këmbëkryq” në vendin tonë/ Nesër pritet përmirësim i motit

8 Shkurt 2023, 07:59, Sociale CNA

I ftohti siberian “këmbëkryq” në vendin tonë/

I ftohti siberian që ka goditur rajonin e Ballkanit do të bëj që vendi ynë të mbetet me temperatura shumë të ulëta, duke sjellë temperatura shumë më të ulëta se vlerat normale të Shkurtit.

Por përsa i përket kushteve atmosferike do të ketë mbizotërim të motit të qëndrueshëm, ku në ultësirën perëndimore priten intervale të gjata me kthjellime.

 Ndërsa në zonat malore parashikohet të ketë kalime vranësirash, të cilat më të dukshme do të jenë në orët e pasdites dhe mbrëmjes në Verilindje të Shqipëris.

Temperaturat e ajrit do të rriten lehtë në mëngjes dhe në mesditë duke u luhatur nga -10°C deri në 11°C.

Era do të fryjë lehtë dhe mesatare me shpejtësi 35 km/h nga drejtimi Verilindor duke sjellë në brigjet detare dallgëzim 2 – 3 ballë.

Moti e enjte, 9 shkurt 2023

Sipas MeteoAlb, dita e enjte do të sjellë tërheqje gradule të masave ajrore  ftohta duke përmirësuar lehtësisht situatën termike në vendin tonë,  ku në orët e mesditës pothuajse i gjithë territori do të jetë në vlera pozitive.

Shqipëria do të mbetet në mbizotërimin e motit të qëndrueshëm, duke sjellë dominim të kthjellimeve në orët e para të ditës në ultësirën perëndimore.

Ndërsa pasditja dhe mbrëmja i bëjnë më të dukshme vranësirat, por mundësia për reshje në territor është 0.

Temperaturat e ajrit do të vijojnë të rriten në mëngjes, por do të mbeten kostante në mesditë duke u luhatur nga -9°C deri në 11°C.

Era do të fryjë e lehtë dhe mesatare me shpejtësi 30 km/h nga drejtimi Lindor duke krijuar në brigjet detare dallgëzim 2 ballë./CNA.al





Lajmet e fundit nga