web counter
LEXO PA REKLAMA!

SHKARKO APP

App Store
Google Play

E fundit!

x

Fundjava e ngrohtë dhe pa reshje/ Parashikimi i motit për sot dhe nesër

4 Shkurt 2023, 08:06, Sociale CNA

Fundjava e ngrohtë dhe pa reshje/ Parashikimi i motit për sot dhe

Territori shqiptar që në orët e para të mëngjesit do të jetë në mbizotërimin e vranësirave të shpeshta, të cilat herë pas here do të pësojnë zhvillime duke sjellë reshje të pakta dëbore në zonat malore.

Ndërsa në ultësirën perëndimore do të ketë reshje shiu, por në sasi të pakta.

Pritet që gjatë mesditës dhe në vijim të kemi përmirësim gradual të kushteve të motit, duke bërë që në pjesën e dytë të ditës të kemi edhe intervale me kthjellime.

Temperaturat e ajrit do të mbeten konstante në mëngjes, por do të ulen në mesditë duke u luhatur nga -3°C deri në 10°C.

Era do të fryjë mesatare dhe e fortë me shpejtësi 55 km/h kryesisht nga drejtimi Veriperëndimor duke sjellë në brigjet detare dallgëzim mbi 4 ballë.

Moti, e diel, 5 shkurt 2023

Sipas MeteoAlb, masat ajrore të qëndrueshme, por të ftohta do të diktojnë kushtet e motit në vendin tonë duke sjellë alternime kthjelimesh dhe vranësirash.

Parashikohet që deri në orët e mesditës kthjellimet të jenë më të dukshme në të gjithë territorin.

Por pasditja dhe kryesisht mbrëmja do të sjellin vranësira kalimtare në të gjithë Shqipërinë, por nuk pritet të krijojnë mundësi për reshje.

Temperaturat e ajrit do të ulen ndjeshëm në mëngjes dhe në mesditë duke u luhatur nga -5°C deri në 9°C.

Era do të fryjë e lehtë dhe mesatare me shpejtësi 60 km/h nga drejtimi Verior - Verilindor duke sjellë në brigjet detare dallgëzim 5 ballë./CNA.al





Lajmet e fundit nga