LEXO PA REKLAMA!

SHKARKO APP

App Store
Google Play

E fundit!

x

Pas natës me shi, përmirësohet moti/ Temperaturat rriten deri në 12 gradë

3 Shkurt 2023, 07:58, Sociale CNA

Pas natës me shi, përmirësohet moti/ Temperaturat rriten deri

Pjesa e parë e ditës do të jetë nën ndikimin e vranësirave të shpeshta, të cilat do të zhvillohen përkohësisht duke sjellë reshje të pakta shiu dhe dëbore në territorin shqiptar.

Parashikohet që orët e mesditës dhe pasdites të sjellin përmirësim të dukshëm të kushteve atmosferike duke bërë që të kemi edhe intervale të gjata me kthjellime.

Por sërish në orët e mbrëmjes dhe natës vonë vranësirat do të bëhen dominuese në pothuajse gjithë vendin tonë.

Temperaturat e ajrit do të rritet lehtë në mëngjes, por mbeten konstante në mesditë duke u luhatur nga -3°C deri në 12°C.

Era do të fryjë e lehtë dhe mesatare me shpejtësi 40 km/h nga drejtimi Verior duke sjellë në brigjet detare dallgëzim 3 ballë.

Moti, e shtunë, 4 shkurt 2023

Sipas MeteoAlb, territori shqiptar që në orët e para të mëngjesit do të jetë në mbizotërimin e vranësirave të shpeshta, të cilat herë pas here do të pësojnë zhvillime duke sjellë reshje të pakta dëbore në zonat malore. Ndërsa në ultësirën perëndimore do të ketë reshje shiu, por në sasi të pakta.

Pritet që gjatë mesditës dhe në vijim të kemi përmirësim gradual të kushteve të motit, duke bërë që në pjesën e dytë të ditës të kemi edhe intervale me kthjellime.

Temperaturat e ajrit do të mbetet konstante në mëngjes, por do të ulen në mesditë duke u luhatur nga -3°C deri në 10°C.

Era do të fryjë mesatare dhe e fortë me shpejtësi 55 km/h kryesisht nga drejtimi Veriperëndimor duke sjellë në brigjet detare dallgëzim mbi 4 ballë./CNA.al

Lajmet e fundit nga