LEXO PA REKLAMA!

SHKARKO APP

Nëna e re humbi jetën disa ditë pas lindjes/ Reagon materniteti “Koço Gliozheni”

1 Shkurt 2023, 13:37, Sociale CNA

Nëna e re humbi jetën disa ditë pas lindjes/ Reagon materniteti

Materniteti “Koço Gliozheni” në Tiranë ka hedhur dritë mbi ngjarjen e disa ditëve më parë, ku ka humbur jetën një grua.

Ngjarja është bërë publike paraditen e sotme.

Sipas stafit të spitalit, e ndjera, M.V., është shtruar më 28 janar dhe nuk ka pasur asnjë patologji shoqëruese.

Lindja e saj ka qenë natyrale dhe nëna ka sjellë në jetë një djalë të shëndetshëm.

“SUOGJ 'Koco Gliozheni' i shpreh ngushëllimet familjarëve të së ndjerës me inicialet M.V., e cila ka ndërruar jetë disa ditë pas lindjes së foshnjës. 30-vjecarja është shtruar në spitalin tonë më datë 28 janar dhe nuk ka referuar asnjë patologji shoqëruese. Lindja natyrale ka shkuar mirë, duke sjellë në jetë një djalë të shëndetshëm. Pas 48 orësh qëndrimi në spital, ku ka marrë shërbimin e nevojshëm, nëna ka dalë nga spitali me dëshirën e saj, në gjendje shëndetësore të stabilizuar.

Disa ditë pas lindjes nëna e re është paraqitur në spital me dobësi trupore dhe menjëherë, pacientja është shtruar në repartin e terapisë intensive, ku është trajtuar komform të gjitha protokolleve mjekësore.

Pavarësisht përpjekjeve të stafit mjekësor, gjendja e pacientes është rënduar në mënyrë të shpejtë, duke ndërruar jetë. Priten rezultatet e mjekësisë ligjore për të mësuar shkakun e humbjes së jetës së pacientes”, sqaron stafi i spitalit./CNA.al

Lajmet e fundit nga