web counter
LEXO PA REKLAMA!

SHKARKO APP

App Store
Google Play

E fundit!

x

Si Rama po i ngre akuzë të re Erion Veliajt

7 Korrik 2025, 12:47, Politikë CNA
Si Rama po i ngre akuzë të re Erion Veliajt
Edi Rama, Erion Veliaj, godina e SPAK, foto ilustruese

“Keni 48 orë për t'u kthyer qytetarëve dhe turistëve trotuaret”

Prej dy ditësh, pas denoncimeve të njëpasnjëshme të qytetarëve, Kryeministri Edi Rama ka ndërmarrë një aksion, për të vepruar me dorë të hekurt mbi të gjithë ato biznese që kanë zënë hapësirat publike.

Kryeministri dha ultimatum duke i paralajmëruar se kanë vetëm 48 orë për t’u liruar hapësirat qytetarëve dhe turistëve, përndryshe do të përballeshin me gjoba dhe ndjekje penale.

Rama, pas denoncimeve të qytetarëve, tha që janë rrëmbyer trotuaret, pronat publike, vendkalimet për turistët dhe qytetarët. Një konstatim i drejtë i kryeministrit.

KU NA ÇON KY KONSTATIM I RAMËS?

Në fakt, ky konstatim i Ramës bëhet në momentet kur Erion Veliaj, kryebashkiaku i arrestuar i Tiranës, është përballë 13 akuzave dhe ndërkohë nesër jepet në Gjykatën e Lartë vendimi për të.

13 akuza të renditura, 9 nga të cilat për korrupsion, 1 për pastrim të produkteve të veprës penale, 1 për shpërdorim detyre, 1 për futje të sendeve të ndaluara në burg dhe 1 për fshehje dhe mosdeklarim pasurie.

Me deklaratat e Kryeministrit dhe me atë që është konstatuar edhe nga ministrat që kanë dalë në terren e nga deputetët, edhe me aksionet që po merret Policia Bashkiake, po tregohet qartë se Erion Veliaj dhe vartësit e tij kanë SHPËRDORUAR DETYRËN.

Çështja e zënies së hapësirave publike është një fakt korrupsioni dhe skandali i radhës në Bashkinë e Tiranës. Sepse qytetarët paguajnë taksa dhe bashkia duhet ta kontrollojë territorin e saj.

Dhe, ato rrugë, trotuare, rrugica apo sheshe publike nuk janë zënë sot apo dje që hyri Erion Veliaj në burg, por kanë vite e vite që janë zaptuar nga bizneset, disa prej të cilave për t’i quajtur legale, pra ligjore, kanë paguar dhe taksa në bashki.

Lejet për të paguar këto taksa dhe për të zënë këto hapësira publike i kanë dhënë Erion Veliaj dhe vartësit e tij.

Dikush e ka paguar taksën për 5 metra dhe ka marrë 50 metra, sepse diferencën e taksave e ka futur në xhep ai hajduti i Policisë Bashkiake apo hajduti i Inspektoratit dhe ata inspektorët hajdutë të bashkisë.

Kjo është një çështje korrupsioni që Edi Rama jo vetëm ia ka faktuar dhe ia ka provuar me veprimet e fundit Erion Veliajt, por ia ka bërë gati për akuzë të re nga SPAK-u.

Sepse, është FAKT që ato prona publike janë zënë.

ÇFARË NDODH?

Regjistrohen 10 metra hapësirë, përdoren 100 metra, ku shkojnë paratë e tjera? Kujt i jepen në të zezë? Si ndahen?

Këto dihet si funksionojnë, shkojnë sa tek IMT-ja e Bashkisë sa në Policinë Bashkiake dhe te drejtorët hajdutë të Veliajt, një pjesë e të cilëve janë në burg dhe disa të tjerë që i zëvendësuan, pra hajdutët e parë u zëvendësuan me hajdutët e dytë.

Të gjitha këto FAKTE të publikuara për ditë me radhë dhe problematika të deklaruara nga vetë Kryeministri Edi Rama, për zaptimin e hapësirave publike, qoftë me apo pa leje, në fakt përbëjnë një akuzë të re për Erion Veliajn, e cila i serviret SPAK-ut vetëm një ditë para vendimit të Gjykatës së Lartë për kryebashkiakun e arrestuar të Tiranës, me 13 akuza./CNA 

 





Lajmet e fundit nga