Seanca e fundit plenare e këtij sesioni parlamentar do të ...
Nuk vonon Rama/ Përgjigje ironizuese për Ministrinë e Jashtme bullgare
31 Gusht 2022, 14:45, PolitikëCNA
Kryeministri, Edi Rama
Kryeministri Edi Rama nuk ka vonuar për t’iu përgjigjur reagimit të Ministrisë së Jashtme bullgare, e cila i cilësoi deklaratat e kryeministri të pahijshme.
Përmes një postimi në Twitter, Rama shkruan se, deklaratat e bëra nga ai në Forumin Strategjik të Bled, ishin thjesht përsëritje e asaj që ka deklaruar në qershor në lidhje me bllokimin e filllimit të negociatave për anëtarësimin e dy vendeve në BE.
Në mënyrë ironizuese, ndër të tjera, Rama shkruan se, “Ministria e Jashtme e Bullgarisë nuk kishte asgjë më të rëndësishme sot sesa një deklaratë publike për diçka që thashë në një panel të Forumit Strategjik të Bled, nuk mund ta marr si një kompliment të madh për forumin dhe panelin, duke përfshirë edhe veten time! Por seriozisht, kjo është e pamerituar”
“Ndoshta dikush duhet të ndihmojë miqtë tanë të Ministrisë së Jashtme bullgare me përkthimin e qetë të përgjigjes sime në Bled se si Bullgaria bllokoi hapjen e bisedimeve për anëtarësim e Shqipërisë dhe Maqedonisë së Veriut, kur më në fund të gjithë të tjerët ranë dakord pas 8 vitesh të gjata! Thjesht përsërita të njëjtat gjëra që thashë në qershor.
Nëse Ministria e Jashtme e Bullgarisë nuk kishte asgjë më të rëndësishme sot sesa një deklaratë publike për diçka që thashë në një panel të Forumit Strategjik të Bled, nuk mund ta marr si një kompliment të madh për forumin dhe panelin, duke përfshirë edhe veten time! Por seriozisht, kjo është e pamerituar”, shkruan Rama në "Twitter"./ CNA.al
