web counter
LEXO PA REKLAMA!

SHKARKO APP

App Store
Google Play

E fundit!

x

"Taskforca e SPAK të hetojë asfaltin elektoral"/ Këlliçi: Mekanizëm kriminal dhe financiar, i përdorur gjërësisht si fenomen nga Bashkia Tiranë

23 Shkurt 2025, 12:03, Politikë CNA

"Taskforca e SPAK të hetojë asfaltin elektoral"/

Drejtuesi Politik i Partisë Demokratike për Tiranën, Belind Këlliçi, ka denoncuar shtrimin e asfaltit elektoral në rrugën "Gjergj Elez Alia" më zonën e Astirit.

Këlliçi thekson se asfalti elektoral është mekanizëm kriminal që përdoret gjerësisht ngA Bashkia Tiranë para zgjedhjeve.

Këlliçi i ka bërë thirrje taskforcës së SPAK për Hetimin dhe parandalimin e krimeve zgjedhore të nisë hetimet dhe të hetojë fabrikën e asfaltit elektoral në zonën e Krrabës.

 

"Thirrje publike drejtuar Task Forcës së ngritur nga SPAK për hetimin dhe parandalimin e krimit zgjedhor!
Këto pamje i keni ditën për diell! Asfalti elektoral, një mekanizëm kriminal dhe financiar, i përdorur gjërësisht si fenomen nga ana e Bashkisë Tiranë në zgjedhjet e vitit 2023 dhe 2021, ka rinisur të shpërndahet gjërësisht në lagjet dhe rrugicat e Tiranës.
Këtu jemi në zonën e Astirit, në Rrugën ‘Gjergj Elez Alia’, ku mund të shkoni dhe të shihni vetë me sytë tuaj se si ndodh krimi elektoral në flagrancë.
Ndërkohë po të keni vullnet për ta ndalur këtë fenomen, mjafton të shkoni në zonën e Krrabës, aty ku është fabrika e prodhimit të asfaltit elektoral, aty ku punohet në të zezë dhe kryhet evazion fiskal në mënyrë të përditshme, aty ku unë si kandidat në vitin 2023 denoncoja live në media, me zë e figurë, këtë aktivitet kriminal dhe ku Policia e Shtetit nuk denjonte as të përgjigjej në telefon dhe as të kryente verifikimin në terren", shprehet Këlliçi./CNA

 

 





Lajmet e fundit nga