web counter
LEXO PA REKLAMA!

SHKARKO APP

App Store
Google Play

Presidenti i Emirateve të Bashkuara viziton Shqipërinë/ Rama: Nxiti marrëveshjen për portin e Durrësit

22 Shkurt 2025, 18:51, Politikë CNA

Presidenti i Emirateve të Bashkuara viziton Shqipërinë/ Rama:

Kryeministri, Edi Rama ndau një video në rrjetet sociale ku njoftoi vizitën e nesërme të presidentit të Emirateve të Bashkuara, sheiku Mohammed bin Zayed Al Nahyan.

Rama bëri me dije se është vizita e parë e presidentit në Shqipëri dhe vlerësoi kontriubutin e Bin Zayed për ndihmat e dhëna në luftën e Kosovës si  donacionet e dhëna për Durrësin pas tërmetit.

 

“Nesër kemi një vizitë shumë speciale. Për herë të parë zbret në Shqipëri si president i Emirateve të Bashkuara, sheiku Mohammed bin Zayed Al Nahyan, mik i vjetër i shqiptarëve dhe shumë i dashur i imi personalisht. Ai ka zbritur në Shqipëri më parë ’99, mbi pistën e Aeroportit të Kukësit, që u shtrua nga i ati, themeluesi i Emirateve të Bashkuara në mbështetje të vëllezërve dhe motrave të shpërngulur me dhunë nga Kosova. Asokohe ata sollën ndihma shumë të mëdha, në atë pistë të shtruar enkas.

Presidenti që nesër na nderon me vizitën e tij erdhi në këmbë të të atit. Vizita e presidentit të Emirateve dhe një nga udhëheqësit më të respektuar të botës së sotme shënjon një gur shumë të rëndësishëm kilometrik në rrugën e të një miqësie dhe partneriteti që është forcuar shumë në vitet e fundit. Bin Zayed ishte donatori më i madh pas tërmetit shkatërrimtar në Durrës. Lagja e re shembullore e rindërtimit në spital është financuar i gjithi nga ai. Ai nxiti marrëveshjen për portin turistik të Durrësit si dhe ishte kyç në marrëveshjen trepalëshe me Italinë për lidhjen nënujore të energjisë", tha Rama./ CNA





Lajmet e fundit nga